| e-texts navigator |
| Wylie |
194a1 པས།། རྟོགས་དང་ལྡན་པས་ཅི་དགར་སྤྱོད།། དོན་མཐུན་པ་ཡི་སྐྱེས་བུ་ནི། ཆམ་གཆེག་ཅ།། གང་ལྟར་སྤྱད་ཀྱང་གསེར་དུ་འགྱུར།། གང་ལ་རེག་པ་གསེར་དུ་འགྱུར།། སྨན་གྱི་རྒྱལ་པོ་ལ་ཀི་ཏ།། གང་ལ
194a2 རེག་པ་སྨན་དུ་འགྱུར།། མན་ངག་གདེང་ཆེན་རྣལ་འབྱོར་པས།། ཉེས་པ་སྤྱད་པས་དཔལ་དུ་ཆེ།། མཚམས་མེད་ལྔ་ཡང་ཐར་པའི་ལམ།། སྲོག་གཅོད་རྒྱུ་ཡང་སངས་རྒྱས་ལ།། དོན་དང་མི་ལྡན་གང་ཟག
194a3 རྣམས།། ལུས་སྤྱོད་གཟབ་ཀྱང་ཉེས་པས་གོལ།། རང་ནོར་སྤྱད་ཀྱང་ལན་ཆགས་ནོར།། ཐར་པ་སྤྱད་ཀྱང་འཆིང་བའི་རྒྱུ།། གྲོལ་བར་བསམས་ཀྱང་འཁོར་བའི་རྒྱུ།། བདེ་ཆེན་ཉིད་དུ་དོན་ཤེས་ཤིང་།། རང་བྱུང་རྒྱལ
194a4 པོར་ཀློང་རྡོལ་ན།། ལུས་ཀྱི་སྤྱོད་པ་ཡིན་ཞེས་བཤད།། དེ་ལ་ལུས་ཀྱི་སྤྱོད་པ་གང་ལའང་མ་ཆགས་པར་སྤྱོད་པ་ནི། ལྟ་བ་གོམས་པའི་གདེང་དང་། མན་ངག་ངེས་པའི་དྲོད་ཚད་འདི་ཟིན་པས། ལུས་ཀྱི་སྤྱོད་པ་དོན
194a5 དང་ལྡན་དུ་ཟད་ཀྱི། ལུས་དང་མི་ལྡན་ཞིང་གང་ཟག་འོག་མའི་སྒྲེན་ཚིག་དག་གིས་སྤྱད་ཀྱང་སྤྱོད་པའི་དོན་དང་ལྡན་པར་འགྱུར་རོ།། དེ་ལ་ལུས་ཀྱི་སྤྱོད་པ་དབྱིངས་དང་ཡེ་ཤེས་སུ་སྤྱོད་པ་ནི། ཕྱི་སྣོད་ཀྱི་འཇིག་རྟེན
194a6 ལ་སོགས་པ་འབྱུང་བ་ཆེན་པོ་ལྔའི་མཚན་ཉིད་དུ་སྣང་བ་ཐམས་ཅད་ལུས་མཐའ་མེད་པས་དབྱིངས། ཡོངས་ལ་ཁྱབ་པས་དབྱིངས། ཟད་པ་མེད་པས་ཀྱང་དབྱིངས། ནམ་མཁའི་ངང་དུ་དབྱེར་མེད་པས་ཀྱང་དབྱིངས།
iiif viewer powered by OpenSeadragon
