| e-texts navigator |
| Wylie |
193b1 བརྟན་ཀྱང་མི་བརྟན་པའོ།། ལུས་ནི་ཁྱབ་ཀྱང་ཁྱབ་ལ་མི་ཁྱབ་ཀྱང་མི་ཁྱབ་པའོ།། དེ་ཅིའི་ཕྱིར་ཞེ་ན། རྟགས་སུ་བགྲངས་ལ་དོན་མི་འཛིན་པས་སོ།། ཆོས་ཉིད་ནི་ལུས་སོ།། ལུས་ནི་ཆོས་ཉིད་དོ།། དེ་ཅིའི་ཕྱིར་ཞེ་ན།
193b2 དེ་ནི་གཉིས་སུ་མེད་པའོ།། རྡོ་རྗེ་སེམས་དཔའ་ལུས་ཆོས་ཉིད་མ་ཡིན། ཆོས་ཉིད་ལུས་མ་ཡིན། དེ་ཅིའི་ཕྱིར་ཞེ་ན། དེ་ནི་མཚན་མར་མ་བརྟགས་པའོ།། རྡོ་རྗེ་སེམས་དཔའ་ལུས་ལྷའི་དཀྱིལ་འཁོར་རོ།། ལྷའི་དཀྱིལ
193b3 འཁོར་ནི་ལུས་སོ།། དེ་ཅིའི་ཕྱིར་ཞེ་ན། དེ་ནི་སོ་སོ་མ་ཡིན་ཐ་མི་དད་པའོ།། རྡོ་རྗེ་སེམས་དཔའ་ལུས་ལྷའི་དཀྱིལ་འཁོར་མ་ཡིན། ལྷའི་དཀྱིལ་འཁོར་ལུས་མ་ཡིན། དེ་ཅིའི་ཕྱིར་ཞེ་ན། དེ་ནི་རྟག་པ་ཅན་གྱི་ལུས་མ
193b4 ཡིན་པའོ།། རྡོ་རྗེ་སེམས་དཔའ་ལུས་ནི་མན་ངག་གོ། མན་ངག་ནི་ལུས་སོ།། དེ་ཅིའི་ཕྱིར་ཞེ་ན། ངེས་པར་བསྟན་ཅིང་དོན་ལ་བསྟན་པའོ།། རྡོ་རྗེ་སེམས་དཔའ་ལུས་ནི་མན་ངག་མ་ཡིན། མན་ངག་ནི་ལུས་མ་ཡིན།།
193b5 དེ་ཅིའི་ཕྱིར་ཞེ་ན། ང་རྒྱལ་ཅན་གྱི་སྐམ་ཤིང་མ་ཡིན་པའོ།། དེ་བས་ན་འདི་སྐད་ཅེས་བསྟན་པ་ཡིན་ཏེ། ལུས་ནི་བསྐུལ་བསྐྱོད་ཐམས་ཅད་ནི།། ཕྱག་རྒྱ་ཆེན་པོའི་རང་བཞིན་པས།། སྐྱོན་དུ་བྱ་བ་གང་ཡང
193b6 མེད།། ལེགས་ཉེས་རྣམ་པར་དབྱེར་མེད་པས།། ཐབས་ཀྱི་ཕྱག་རྒྱའི་དཀྱིལ་འཁོར་ལ།། བསྐུལ་བསྐྱོད་ཐུགས་དམ་རྒྱ་མཚོ་བསྐུལ།། གཉིས་མེད་རོལ་པའི་ཐིག་ལེ་ཆེ།། ངེས་པར་གསུངས་པའི་ལུང་ཡིན
iiif viewer powered by OpenSeadragon
