| e-texts navigator |
| Wylie |
192a1 དཔའ་ལ་སོགས་པ་གཉིས་སུ་མེད་པའི་འཁོར་ཐམས་ཅད་ཕྲིན་ལས་ཀྱི་རྒྱལ་པོ་མཐར་དུས་གཅིག་ཏུ་རྫོགས་ནས། མ་བཅོས་པའི་ཀློང་དགོངས་པ་ལྷུན་གྱིས་གྲུབ་ནས་བཞུགས་སོ།། འདི་ལྟ་བུའི་རྒྱུད
192a2 འདི་སྟོན་པ་གང་གིས་ཀྱང་ཞལ་ནས་མ་གསུངས། གསུང་བར་ཡང་མི་འགྱུར་ལ། སྟོན་པ་ཉིད་ཀྱིས་གསུངས་ཤིང་བསྟན་པས། དེ་ཉིད་ཀྱི་དོན་དེ་ཉིད་ལ་ཡིད་ཆེས་ནས། དེ་ཉིད་ལ་གསལ་བར་གྱུར་ཏོ།། དེ་བཞིན
192a3 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ལ་སོགས་པའི་ཕྲིན་ལས་ཀྱི་རྒྱལ་པོ་སྐབས་སྦྱོར་བདུན་པའི་རྒྱུད། ངེས་པར་བསྟན་པའི་འབྲས་བུ་བསྐོར་བ་རྫོགས་སོ།། །། རྡོ་རྗེ་ཡང་དབང་གཏེར་གྱི
192a4 ལགས།། ། བོད་སྐད་དུ། སྤྱོད་པ་ཐམས་ཅད་ཀྱི་རྒྱལ་པོ་བརྩོན་པ་དོན་ལྡན་གྱི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ཀུན་ཏུ་ཐབས་མཁས་པ་དེ་ལ་ཕྱག་འཚལ་ལོ།། འདི་སྐད་བསྟན་པའི་དུས
192a5 གཅིག་ན། བཅོམ་ལྡན་འདས་དཔལ་ཀུན་ཏུ་བཟང་པོ་མ་སྐྱེས་པ་རང་བཞིན་མེད་པའི་ངང་ལ་བཞུགས་པའི་ཚེ། རྡོ་རྗེ་སེམས་དཔས་མི་གཡོ་བའི་ཏིང་ངེ་འཛིན་ལས་ལངས་ནས། སྟོན་པ་ཀུན་ཏུ་བཟང་པོ་ལ་མ་འདྲེས
192a6 པ་ཆེན་པོའི་དོན་གྱིས་ཕྱག་བཙལ་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་སེམས་ཅན་ཐམས་ཅད་ནི་ལུས་ངག་ཡིད་གསུམ་ལ་སྤྱོད་དོ།། དེས་ཁམས་གསུམ་ལ་སྤྱོད་ན། ལུས་ཀྱི་སྤྱོད་པ་གང་ལྟར་སྤྱོད་ཅིང
iiif viewer powered by OpenSeadragon
