| e-texts navigator |
| Wylie |
190a1 བཀའ་འདི་བཤད།། ཡིད་བཞིན་རིན་ཆེན་འབྱུང་བ་ཡི།། སློབ་དཔོན་བློ་ལྡན་མན་ངག་ཅན།། ངེས་པའི་སྒོ་འབྱེད་གང་ཡིན་པ།། ཕངས་མེད་ཡོན་གྱིས་སྣ་དྲངས་ནས།། ལུས་ངག་ཡིད་གསུམ་ཕུང་པོ
190a2 རྣམས།། དེ་ལ་གུས་པས་དབུལ་བར་བྱའོ།། སློབ་དཔོན་དེ་ལ་མཆོད་བྱས་ན། ཕྱོགས་བཅུའི་སངས་རྒྱས་མཆོད་དང་འདྲ།། བླ་མ་དེ་ལ་ཕྱག་བྱས་ན།། སངས་རྒྱས་བཀུར་སྟི་བྱས་པ་ཡིན།། རྡོ་རྗེ་སློབ་དཔོན་བརྙས
190a3 བྱས་ན། སངས་རྒྱས་ཐམས་ཅད་བསླུས་དང་འདྲ།། སློབ་དཔོན་བཀུར་བར་མ་བྱས་ཤིང་།། མན་ངག་ངེས་པ་མ་ཐོབ་པར།། གང་ཞིག་ལུང་ལ་སྤྱོད་པ་ནི།། འབྲས་བུ་མེད་ཅིང་བརླག་པར་འགྱུར།། དུས་གསུམ་ནམ
190a4 དུའང་མི་འབྲལ་ཞིང་།། བླ་མ་དེ་ལ་ཡོན་གྱིས་བསླུ།། ཐུགས་ཉིད་བྱང་ཆུབ་སེམས་དྲང་བས།། རྒྱལ་བ་ཀུན་ལ་མཆོད་དང་འདྲ།། གཉིས་མེད་དངོས་གྲུབ་དེ་ཡིས་ཐོབ།། སངས་རྒྱས་ཉིད་དུ་དེ་འགྱུར་རོ།། དེ་ནས་རིག
190a5 པའི་བུ་མཆོག་དེས།། རྒྱུད་འདི་གཞུང་དང་བསྟན་པར་མཉན།། ལེགས་པར་བསྒྲིམས་ལ་སེམས་ལ་འཆང་།། སྔགས་དང་ཕྱག་རྒྱ་རྒྱུན་མེད་པས།། དུས་དང་གྲངས་དང་བསྐལ་པ་ཡིས།། འདི་དག་ནམས་ཀྱང་བར་མི
190a6 གཅད།། གསང་བ་ལ་ནི་དབྱེར་མེད་ཀྱང་།། དམ་ཚིག་ཉམས་ལ་གསང་བ་དང་།། སྣོད་དུ་མིན་ལ་ཤིན་ཏུ་གསང་།། སྤྱད་པར་བྱ་བ་དེ་དག་ལ།། གང་ཡིན་རིམ་པར་གསལ་རྟོགས་ནས།། ངེས་པར་ཕྱེ་སྟེ་བཤད
iiif viewer powered by OpenSeadragon
