| e-texts navigator |
| Wylie |
18b1 དཔའི་རྒྱ།། རྒྱ་འདི་བཅིངས་པ་ཙམ་གྱིས་སུ།། སངས་རྒྱས་སྲས་དང་བཅས་པ་ཀུན།། རབ་ཏུ་དགྱེས་ཤིང་མཉེས་པར་འགྱུར།། བྱང་ཆུབ་མཆོག་ཏུ་གདོན་མི་ཟ།། གཞན་ཡང་རྡོ་རྗེ་འཛིན་ཉིད་ཀྱི།། གསང་བའི་སྔགས
18b2 ནི་འདི་ཡིན་ཏེ།། བཛྲ་ཨཀྵོ་བྷུ་ཧཱུཾ། སེམས་དཔའི་སྐྱིལ་མོ་ཀྲུང་འདུག་ནས།། ལག་གཡོན་པད་པར་མཉམ་གཞག་སྟེ།། གཡས་པ་ས་གཞི་གནོན་པའི་ཚུལ།། རྡོ་རྗེ་མི་འཁྲུགས་ཕྱག་རྒྱར་བཤད།། སྔགས་དང་ཕྱག་རྒྱ
18b3 འདི་ཡིས་ནི།། སངས་རྒྱས་གྲགས་པ་ཆེན་པོ་ཡང་།། རབ་ཏུ་འདར་ཞིང་སྐྲག་པར་འགྱུར།། བདུད་རྣམས་ཚར་གཅོད་སྨོས་ཅི་དགོས།། གཞན་ཡང་རིན་ཆེན་འཛིན་པ་ཡི།། གསང་བའི་སྙིང་པོ་འདི་ཡིན་ནོ།། རཏྣ་སཾ
18b4 བྷ་བ་ཏྲཾ།། མི་འཁྲུགས་ཕྱག་རྒྱ་དེ་ཉིད་ལས།། གཡས་པས་མཆོག་སྦྱིན་བྱེད་པ་ནི།། རིན་ཆེན་འཛིན་གྱི་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། བདེ་བའི་མཆོག་རྣམས་སྦྱིན་པར་བྱེད།། དགང་དཀའ་བ་ཡང
18b5 རབ་འགེངས་ནས།། བཀྲེན་པ་ཕྱུག་པར་ཅི་ཞིག་སྨོས།། གཞན་ཡང་ཆོས་ཀྱི་སེམས་དཔའ་ཡི།། གསང་བའི་སྔགས་ནི་འདི་ཡིན་ནོ།། པདྨ་ཨ་མི་ཏ་བྷ་ཧྲཱིཿ། ཕྱག་རྒྱ་གོང་མ་དེ་ཉིད་ལས།། ལག་གཉིས་བསམ་གཏན
18b6 ཚུལ་དུ་བྱས།། པདྨ་སེམས་དཔའི་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་གྲགས་པ་ཆེན་པོ་ཀུན།། དབང་དུ་འགྱུར་བར་གདོན་མི་ཟ།། ཁམས་གསུམ་སྐྱེ་བོ་སྨོས་ཅི་དགོས།། གཞན་ཡང་ལས
iiif viewer powered by OpenSeadragon
