| e-texts navigator |
| Wylie |
18a1 ཡ་མཚན་འགྲུབ།། མཚན་མ་དག་གི་གཟུགས་བརྙན་དང་།། ལུགས་མ་ལ་སྩོགས་ཕྱག་རྒྱ་ལས།། མཚན་མའི་ཏིང་འཛིན་བསྒོམས་བྱས་ཀྱང་།། རང་གི་རྣལ་འབྱོར་མི་འབྱུང་སྟེ།། བྱང་ཆུབ་སེམས་ལ
18a2 གཞོལ་བའི་མིས།། རང་གི་རྣལ་འབྱོར་ལྷར་འགྱུར་རོ།། དེ་བས་ནན་ཏན་རྩེ་གཅིག་གིས།། མཚན་མ་མེད་ལ་བརྩོན་པར་འབད།། ཅེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི། གསང་བ
18a3 དུར་ཁྲོད་ཁུ་བྱུག་རོལ་པའི་མདོ་ལས། ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་བཞི་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་ལ། རྡོ་རྗེ་ཡིད་ཀུན་ཏུ་བཟང་པོས་གསོལ་པ། བཅོམ
18a4 ལྡན་འདས་སངས་རྒྱས་ཐམས་ཅད་ཀྱི་སྔགས་དང་ཕྱག་རྒྱ་རྣམས་ཀྱི་མཚན་ཉིད། སེམས་ཅན་ཐམས་ཅད་ལ་སྨན་པའི་སླད་དུ་བཤད་དུ་གསོལ།། བདེ་བར་གཤེགས་པས་བཤད་དུ་གསོལ།། དེ་ནས་བཅོམ་ལྡན
18a5 འདས་གསང་བ་མཆོག་གི་བདག་པོས་སྔགས་དང་ཕྱག་རྒྱ་འདི་དག་བཤད་དོ།། སེམས་དཔའ་ཆེན་པོ་ཉོན་ཅིག། འདི་ནི་སངས་རྒྱས་ཐམས་ཅད་ཀྱི།། ལས་གང་བསྒྲུབ་པའི་སྙིང་པོ་ཡིན།། འདི་ལ་གང་ཞིག་དད་མོས
18a6 པ།། སྣང་མཛད་སེམས་དཔའ་ཉིད་འདྲར་འགྱུར།། ཨོཾ་བུདྡྷ་བཻ་རོ་ཙ་ན་ཨཱ~ཾ།། ལག་གཉིས་ཁུ་ཚུར་བཅངས་པ་ལས།། གཡོན་པའི་མཛུབ་མོ་བསྒྲེང་བ་ཡི།། རྩེ་མོ་གཡས་པའི་ཁུ་ཚུར་གྱིས།། བཟུང་བ་སྣང་མཛད་སེམས
iiif viewer powered by OpenSeadragon
