| e-texts navigator |
| Wylie |
189b1 བསྒྲུབ་པ་དང་།། ཡིད་ལ་ཤེས་པ་གང་ཡིན་པ།། འདི་ཡང་དམ་ཚིག་ཕྲིན་ལས་ཡིན།། སྔགས་པ་བློ་ལྡན་དད་པ་ཅན།། ཟང་ཟིང་ནོར་ལ་ཆགས་མེད་པ།། འདི་ཡང་དམ་ཚིག་ཕྲིན་ལས་ཡིན།། གཡོ་སྒྱུ་ཟོལ་སྤང་བདེན
189b2 པའི་ལམ།། འདི་ཡང་དམ་ཚིག་ཕྲིན་ལས་ཡིན།། དངོས་པོའི་ཆོས་རྣམས་ཐམས་ཅད་ཀུན།། སྐྱེ་བ་མེད་པར་གང་ཤེས་པ།། འདི་ཡང་དམ་ཚིག་ཕྲིན་ལས་ཡིན།། དམ་ཚིག་ཕྲིན་ལས་མི་ཤེས་པས།། བསླབ་པ་ནི་ལས
189b3 རྣམས་ལོག་པར་བྱེད།། སྒྲོས་མེད་ཆོས་ལ་ཡ་ག་འདོགས།། རང་བཞིན་མེད་ལ་ཕྱོགས་ཆར་འཛིན།། མཉམ་པ་ཉིད་ལ་བླང་དོར་བྱེད།། ངེས་པའི་དོན་ལ་དབྱེ་བསྲིང་ཅན།། བླ་མའི་ལུང་མེད་ང་རྒྱལ་ཚིག། རང་ཤེས
189b4 བྱེད་འདོད་ངེས་པ་མེད།། ལོག་པའི་ལམ་ཚོལ་བདེན་པ་ནུབ།། ཡོངས་ལ་ཕྲག་དོག་ཀུན་དང་འགྲས།། དམ་ཚིག་ཚུལ་མེད་ཉམས་པའི་ཞིང་།། འཁོར་བའི་ཆོས་རྟེན་ལོག་པའི་ལམ།། ཤེས་རབ་དོན་མེད་འཆལ་བའི
189b5 ཚིག། དོན་མེད་ཡུག་ས་མུ་སུ་ན།། དོན་དང་མཐུན་པའི་གཏན་ཚིགས་མེད།། མུ་མེད་གང་ཟག་སྤྲོ་བའི་ཚིག། དེས་ནི་འཁོར་བའི་སྒོ་ཕྱེ་བས།། ལག་ནས་བཟུང་ལ་མངོན་དུ་བསྐལ།། སེམས་ཉིད་བདག་དང་གཅིག
189b6 པའི་ཕྱིར།། སྙིང་ཁྲག་ཁར་ཡང་བཏུང་བར་བྱའོ།། དེ་དག་བསྒྲལ་ན་བདེ་ཆེན་ཐོབ།། དེ་ཡང་དམ་ཚིག་ཕྲིན་ལས་ཡིན།། བཞག་ན་ཉམས་པའི་རྒྱུར་འགྱུར་རོ།། དེ་ནས་བསྟོན་པ་མཉམ་གཞག་གིས།། རྡོ་རྗེ་སློབ་དཔོན
iiif viewer powered by OpenSeadragon
