| e-texts navigator |
| Wylie |
188a1 བདེ་བ་ཡིན།། ཀུན་ལ་རོལ་ཅིང་ཐམས་ཅད་འགྲུབ།། སྦྱངས་སུ་སྤྱོད་ཅིང་ཡངས་པ་མེད།། སྣོད་དང་མཐུན་པས་ཐམས་ཅད་འགྲུབ།། སྤྱོད་པ་འདི་ལ་གང་གནས་པ།། དེ་ནི་མི་འཆིང་གྲོལ་བར
188a2 འགྱུར།། རྣལ་འབྱོར་ཚོགས་གཉིས་རྫོགས་པ་ཡིས།། ངེས་པའི་གཞུང་དུ་དེ་འགྱུར་རོ།། འདི་དང་མི་ལྡན་གང་ཟག་རྣམས།། ཅི་ལྟར་སྤྱོད་པ་ལོག་པའི་ལམ།། ཐར་པའི་དུས་མེད་འོ་དོད་འབོད།། འཁོར་བར་ཁྱམས
188a3 པའི་ལོག་པའི་ཆོས།། མནར་མེད་ཉམས་པར་དེར་འགྱུར་རོ།། དེ་ལ་དངོས་གྲུབ་འབྱུང་བར་དཀའ།། བུས་པས་ནོར་བས་འཁྲུལ་པའི་ཆོས།། ཤིན་ཏུ་མཐའ་རིང་སྤྱོད་པར་དཀའ།། གླང་ཆེན་འདམ་དུ་ཞུགས་པ
188a4 བཞིན།། ཡན་ལག་གཡབ་པས་ཕྱི་ཕྱིར་དམ།། འདི་འདྲ་མི་ཤེས་གླེན་པ་ཡིས།། དཔྱད་ཅིང་བཙལ་ཀྱང་ཕྱི་ཕྱིར་དམ།། དེ་བས་རྣལ་འབྱོར་སྐལ་བ་བཟང་།། ཐམས་ཅད་ཀུན་གྱི་སྙིང་པོ་མཆོག། སྟོན་པ་ཉིད་ཀྱིས་འདི
188a5 བསྔགས་པས།། སྣོད་ངན་རྣམས་ལ་མི་བསྟན་པའི།། སྤྱོད་པའི་སྐབས་སྦྱོར་དྲུག་པའོ།། །། ད་ནི་དམ་ཚིག་གི་སྐབས་སྦྱོར་འདི་ཡིད་ལ་ཟུང་ཞིག། དེ་ལ་སངས་རྒྱས་ཀྱི་དམ་ཚིག་གང་ཡིན་པ་སེམས་ཅན་གྱི་སྡོམ
188a6 པ་ཡིན་ལ། སེམས་ཅན་གྱི་སྡོམ་པ་གང་ཡིན་པ་སངས་རྒྱས་ཀྱི་དམ་ཚིག་ཡིན་ཏེ། རྩ་བ་དང་ཡན་ལག་གི་དམ་ཚིག་བསྲུངས་ཀྱང་རུང་། མ་བསྲུངས་ཀྱང་རུང་། ཉམས་ཀྱང་རུང་། མ་ཉམས་ཀྱང་རུང་། ཤེས་ཀྱང་རུང་།།
iiif viewer powered by OpenSeadragon
