| e-texts navigator |
| Wylie |
187b1 པའི་གཞུང་མེད་པས།། དབུལ་བར་མི་དགའ་གཞན་ཡང་སྡོམ།། མན་ངག་ལུང་མེད་གཞོགས་སློང་བྱེད།། སྟོན་པའི་བཀའ་མེད་ཡུག་སའི་ཚིག། ཁེ་དང་གྲགས་པའི་མཚན་ཉིད་པས།། བླ་མ་བཀུར་བར་མི་སེམས
187b2 ཤིང་།། རང་ཉིད་ཆེ་འདོད་ཚུལ་འཆོས་བྱེད།། བཀའ་ལ་མི་ཉན་འཁོར་ཀུན་བསྒྱུར།། ཕན་པ་མེད་པའི་ཚིག་རྣམས་ཀྱིས།། གྲོགས་པོ་རྣམས་ཀྱི་ཞེ་གཅོད་ཅིང་།། བསྙེན་བསྒྲུབ་རྩོལ་བ་མ་བྱས་པར།། མཁས་པར
187b3 འཆོས་ནས་གཞན་ལ་སྨོད།། གསང་བའི་བཀའ་འཆལ་ཡོངས་སུ་འཁྱམས།། མན་ངག་གསང་འཛག་ཕྱལ་པར་བཏང་།། མཚན་ཉིད་ངང་ཚུལ་ངན་པ་དེར།། འདི་དག་བཤད་ཀྱང་གོ་མི་འགྱུར།། ཁམས་ལ་སོགས
187b4 སྣོད་ནང་དུ།། སེང་གེའི་འོ་མ་བཞོས་པ་ལྟར།། སྣོད་ཀྱང་ཆག་ལ་བཅུད་ཀྱང་འབོ།། དེ་བས་རིན་ཆེན་སྣོད་ནང་དུ།། བཅུད་མི་བོ་བར་གནས་པ་བཞིན།། བཀའ་བཞིན་མི་ལྡན་རྣལ་འབྱོར་པ།། བཀའ་གསང་ཡུལ་དུ
187b5 བསྟན་མི་བྱ།། ཉམས་པའི་རྒྱུར་འགྱུར་ཚིག་པར་ངེས།། དེ་བས་སྣོད་དང་ལྡན་པ་ཡི།། དོན་གྱི་གཏེར་དུ་འདི་བཅང་ངོ་།། འདི་ནི་སྤྱོད་པའི་ཕྲིན་ལས་ཏེ།། འཇམ་པོར་སྤྱད་ན་ཞི་བའི་ལས།། མང་བར་སྤྱད་ན་རྒྱས་པའི
187b6 ལས།། ཀུན་གྱི་བཟླུམས་ན་དབང་གི་ལས།། དྲག་པོར་སྤྱོད་ན་མངོན་སྤྱོད་ལས།། མ་སྤྱད་བཞག་ན་ཆོས་ཉིད་ལས།། སྤྱོད་པའི་ཕྲིན་ལས་མཐར་རྫོགས་པས།། འདི་ལྟར་སྤྱོད་པའི་ཕྲིན་ལས་ཡིན།། སྤྱོད་པའི་རྒྱལ་པོ
iiif viewer powered by OpenSeadragon
