| e-texts navigator |
| Wylie |
186a1 འཕྱོ།། ཧེ་རུ་དགུ་ནི་རོལ་པ་མཛད།། ཡེ་ཤེས་དགུ་ནི་མྱ་ངན་འདས།། ཐེག་པ་དགུ་ནི་དོན་ལ་གསོལ།། ཕྲིན་ལས་དགུ་ནི་མཁའ་ལ་རྫོགས།། ལུང་ཆེན་དགུ་ནི་བཀའ་ལས་བཀྲོལ།། ཟླ་གམ་དགུ་ནི
186a2 ཡུམ་གྱི་དབྱིངས།། སྣང་གསལ་དགུ་ནི་རིག་པའི་གདེང་།། དག་གོ་སྐྱེས་བུ་ཆེན་པོའི་ལྷ།། རྡོ་རྗེ་ལ་ཡང་ཉིད་སྦྱོར་ནས།། རང་གི་དོན་དུ་བསྒྲུབས་པའི་ལྷ།། གཞན་ན་སངས་རྒྱས་གཉིས་མེད་པས།། དུས་གསུམ་རྒྱལ
186a3 བས་འདི་བསྔགས་པའོ།། །། དེ་ནས་རྡོ་རྗེ་སེམས་དཔས་འདི་སྐད་ཅེས་གསོལ་ཏོ།། ཨེ་མ་ཧོ་ངོ་མཚར་རབ་འབྱམས་ཀྱིས།། སངས་རྒྱས་སྤྱོད་པ་ཁྱད་པར་ཆེ།། ཅི་ལྟར་སྤྱད་ཀྱང་དོན་དང་མཐུན།། འདྲེན་པའི་ལྷ་ལ
186a4 ཕྱག་འཚལ་ལོ།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱིས། ཁམས་གསུམ་གྱི་སེམས་ཅན་ཐམས་ཅད་རྣམ་པར་དག་པ་མ་རྟོགས་པས། ལས་དང་སྤྱོད་པ་ཐམས་ཅད་འཁོར་བའི་རྒྱུར་གོལ་བས། རྣལ་འབྱོར
186a5 པ་གསར་བུས་དོན་མ་རྟོགས་པས་ཐེ་ཚོམ་ཟ་བ་ལ། གང་ཟག་རས་ཆོད་མཁན་གྱིས་བཀའ་ཕྱིན་ཅི་ལོག་ཏུ་བསླད། རྒྱུ་འབྲས་ལོག་པར་ཁྲིད། དྲག་ཤུལ་གྱིས་བཙན་ཐབས་ལ་སྟོན་པ་འཇིག་རྟེན་གྱི་སྒྲོན་མས་ཀྱང
186a6 མ་ཐུལ། ང་རྒྱལ་གྱི་བཙན་ཚིག་ལ་བྱམས་པའི་ཏིང་ངེ་འཛིན་གྱིས་ཀྱང་མ་ཞི། གཏི་མུག་གི་ཆེད་ངག་ལ་ཞི་བའི་ཆོས་ཀྱིས་ཀྱང་མ་གྲོལ་བ། ལྟ་བ་མེད་པའི་རས་ཆོད། དམ་ཚིག་ཉམས་པའི་གཟུ་ལུམས། སྤྱོད་པ་རྩིང
iiif viewer powered by OpenSeadragon
