| e-texts navigator |
| Wylie |
185b1 བརྗོད་པས་གྲུབ་པ་མིན།། ཡིད་ཀྱི་བཟླས་བརྗོད་དུས་དང་རྒྱུན་མེད་ན།། རྣལ་འབྱོར་བསྙེན་པའི་ཆོ་ག་ཡང་དག་རྫོགས།། རྣམ་སྨིན་ལས་ཀྱིས་བདས་པའི་སྲིན་པོ་དང་།། ཉོན་མོངས་འདམ་གནས་འཁོར་བའི་རཱ་ཏྲ
185b2 རྣམས།། རྟོགས་དང་ལྡན་པའི་ལྟ་བས་མ་བཏུལ་ན།། མཚན་མར་བསྒོམས་པས་རྟོག་པའི་གནས་མི་འབྱོངས།། རྣལ་འབྱོར་རྣམས་ལ་དོན་དུ་འདི་ལྟར་བདེ།། མ་སྐྱེས་ཕྱིར་ན་ཐམས་ཅད་གསལ་གསང་བར་ཡིན་ནམ་པར
185b3 རིགས།། དངོས་པོ་མེད་པས་འདི་དག་བཏུལ་བའི་རྫས།། ཞེན་ཆགས་ཆེ་བས་མི་བཞག་བསྒྲལ་བར་བྱའོ།། ལོག་པར་ལྟ་བའི་དོན་གྱི་ཙིཏྟ་དབྱུང་། རྒྱུ་འབྲས་བསླུ་བས་ཕུང་པོ་དུག་གསུམ་སྦྱངས།། ཉོན་མོངས་རྩད
185b4 བཅད་ནང་ཁྲོལ་ཐབས་ཀྱིས་དྲངས།། དགོངས་པའི་ཏིང་འཛིན་གསལ་བས་དོན་དུ་གཅིག། ནམ་མཁའི་མཐའ་ལྟར་ཀུན་ཏུ་ཐུག་པ་མེད།། སྐྱེ་མེད་བྱང་ཆུབ་སེམས་ནི་ཡན་དུ་ཁྱེ།། མཐའ་ལ་ཐུག་པ་མེད་ཅིང་དབྱིངས
185b5 ལས་གཡོས་པ་མེད།། ཆོས་སྒྲ་འགྱུར་མེད་དུས་གསུམ་ཀློང་ན་བཞུགས།། བྱང་ཆུབ་ཉིད་དེ་དོན་དུ་འཁྲུལ་པ་མེད།། མ་བཅོས་ཐིག་ལེ་དུར་ཁྲོད་གཅིག་ཏུ་འཁྱིལ།། རྟག་ཆད་མཚན་མར་མ་ཡིན་ཀློང་ནས
185b6 བད་ལ།། འདུ་འབྲལ་མེད་པའི་བྱང་ཆུབ་སེམས་ཆེན་པོ།། བདེ་བ་ཆེན་པོའི་དྲོད་ནི་ཉམས་སུ་མྱོང་།། མི་སྐྱེ་མི་འགག་ཀློང་དུ་ཕྲིན་ལས་རྫོགས།། ཐིག་ལེ་དགུ་ནི་དབྱིངས་སུ་གསལ།། རྣམ་ཤེས་དགུ་ནི་ཀློང་ན
iiif viewer powered by OpenSeadragon
