| e-texts navigator |
| Wylie |
185a1 འཛིན་མ་བསྒོམས་གསལ།། རྒྱུ་ཉིད་དག་པའི་དོན་ཉིད་མ་ཤེས་ན།། འཕྲལ་གྱི་དམིགས་པས་རང་རིག་གསལ་མི་འགྱུར།། ཡེ་ནས་ཡིན་པར་རང་སེམས་གསལ་རྟོགས་ན།། རྒྱུ་ཡི་ཏིང་ངེ་འཛིན་ཉིད་མ
185a2 བསྒོམས་གསལ།། རང་རིག་གིས་ཡོངས་ལ་མ་བརྡལ་ན།། འཕྲལ་དུ་ཡུམ་མཆོག་བསྐྱེད་པའི་སྐུ་མི་རྫོགས།། ཤེས་རབ་ཕ་རོལ་ཕྱིན་པར་དབྱེར་མེད་ན།། སྙིང་རྗེའི་ཡུམ་མཆོག་ཐབས་དང་ཤེས་རབ་རྫོགས།། སེམས
185a3 ཀྱི་དབང་ཕྱུག་འདོད་དགུར་བསྒྱུར་བ་མ་ཤེས་ན།། འཕྲལ་དུ་ཐབས་ཀྱི་ཡེ་ཤེས་ལྔ་ཡི་དབང་མི་ཆགས། ཀུན་གཞི་ཕྱོགས་བཅུར་དབང་བསྒྱུར་བས།། ཡེ་འབྱམས་ཆེན་པོའི་དབང་མཆོག་མ་ལུས་རྫོགས།། བདེ་བའི
185a4 བྱིན་རླབས་ཐིག་ལེར་མ་བརླབས་ན།། འཕྲལ་དུ་དགོངས་པས་སྐུ་གསུང་ཐུགས་མི་རློབ།། རང་བྱུང་བདེ་བས་ཁམས་གསུམ་བྱིན་རླབས་པས།། སྐུ་གསུམ་བྱིན་རླབས་ཆོ་འཕྲུལ་རང་བཞིན་ཚང་།། ཡིད་ཀྱི་མཆོད་པས
185a5 སྟོང་གསུམ་མ་ཁྱབ་ན།། འཕྲལ་དུ་ཡུད་ཙམ་བདེ་བ་རྙེད་མི་འགྱུར།། ཡོངས་ལ་ཁྱབ་པའི་མཉེས་པ་རྒྱུན་མེད་ན།། མཆོད་པའི་ཆོ་འཕྲུལ་དོན་དུ་མ་བསྒོམས་ཚང་།། དགོངས་པ་ཡིད་ཀྱི་ཏིང་འཛིན་མ་གསལ
185a6 ན།། འཕྲལ་དུ་འཕྲོ་འདུས་རིག་པའི་ལྷ་མི་གསལ།། ཆོས་ཉིད་རང་གསལ་དོན་གྱི་གཏིང་གོ་ན།། ཏིང་ངེ་འཛིན་གྱི་ཆོ་འཕྲུལ་མ་བསྒོམས་གསལ།། དོན་གྱི་བསྙེན་པ་ཁོང་ནས་མ་ཤེས་ན།། འཕྲལ་དུ་མཚན་མར
iiif viewer powered by OpenSeadragon
