| e-texts navigator |
| Wylie |
184b1 སྐད་ཅེས་བརྗོད་པར་བྱའོ།། སྤྱོད་པའི་རྒྱལ་པོ་བདེ་གཤེགས་རྣམས་ཀྱི་ལས།། རྣལ་འབྱོར་ཐུགས་ཀྱི་སྒྲོམ་བུ་དམ་པ་ལས།། ངེས་པར་གསལ་བའི་ལྡེ་མིག་སྒོ་ཕྱེ་ནས།། རྒྱལ་བའི་བཀའ་ལས་ཕྱུང་སྟེ་བཤད་པར
184b2 བྱའོ།། ཕྱི་ནང་ཆོས་རྣམས་ཐམས་ཅད་ལ།། དམིགས་པ་མེད་པར་གང་སྤྱོད་པ།། འདིར་ཡང་སྤྱོད་པའི་ཕྲིན་ལས་ཡིན།། འཁོར་བའི་ལས་རྣམས་ཐམས་ཅད་ལ།། རྟོགས་དང་ལྡན་པས་གང་སྤྱོད་པ།། འདིར་ཡང་སྤྱོད
184b3 པའི་ཕྲིན་ལས་ཡིན།། བདག་དང་གཞན་དུ་སྣང་བ་རྣམས།། གཉིས་སུ་མེད་པར་གང་སྤྱོད་པ།། འདིར་ཡང་སྤྱོད་པའི་ཕྲིན་ལས་ཡིན།། ཕྱོགས་དང་རིས་སུ་སྣང་བ་རྣམས།། གཉིས་མེད་རྒྱལ་པོར་གང་སྤྱོད་པ།། འདིར
184b4 ཡང་སྤྱོད་པའི་ཕྲིན་ལས་ཡིན།། ལས་རྣམས་སངས་རྒྱས་ལས་ཡིན་པ།། སྤྱོད་པ་སངས་རྒྱས་ཉིད་དུ་སྤྱོད།། རོལ་པས་ཐབས་དང་ཤེས་རབ་ལ།། འདོད་པ་ཐབས་ཀྱིས་ལོངས་སྤྱོད་པའི།། སྤྱོད་པ་གཉིས་སུ་མེད
184b5 པར་སྤྱོད།། དེ་བས་རྣལ་འབྱོར་རྫོགས་ལྡན་གྱིས།། སྤྱོད་པའི་ཕྲིན་ལས་བརྩམས་སོ།། ཧཱུཾ་རང་གི་སེམས་ཉིད་གདོད་ནས་མ་དག་ན།། ཕྱོགས་ཙམ་བསྒོམས་པས་དག་མི་འགྱུར།། ཆོས་ཉིད་བཅོས་མེད་ཡེ་ནས་ཡིན
184b6 ཤེས་ན།། དེ་བཞིན་ཉིད་ཀྱི་ཏིང་འཛིན་མ་བསྒོམས་གསལ།། ཐབས་ཀྱི་རྩ་བར་སྙིང་རྗེར་མ་ཤར་ན།། འཕྲལ་དུ་ཕྱོགས་ཆས་ཡོངས་ལ་ཁྱབ་མི་འགྱུར།། གདལ་བ་ཆེན་པོའི་བློ་ཡིས་སྤྱིར་ཁྱབ་ན།། ཀུན་ཏུ་སྣང་གི་ཏིང
iiif viewer powered by OpenSeadragon
