| e-texts navigator |
| Wylie |
183b1 རྒྱལ་པོ་རྩོལ་བ་ཡང་།། ཐམས་ཅད་བསྒྲུབས་པས་ཐམས་ཅད་འགྲུབ།། གྲུབ་ཙམ་ཉིད་ན་གྲུབ་པ་མེད།། བསྒྲུབ་པ་མེད་ཙམ་རྫོགས་ཀྱང་རྫོགས།། སྙིང་པོ་བྱང་ཆུབ་བཅོས་མེད་པའི།། རྒྱུ་འབྲས་མེད་པའི་དངོས་གྲུབ
183b2 འདི།། སངས་རྒྱས་བྱང་ཆུབ་ཉིད་ཀྱིས་མཁྱེན།། གང་ལ་ཕྱོགས་ཆར་བསྟན་པ་འདི།། དེ་ནི་བདེ་གཤེགས་སྙིང་པོ་མིན།། དོན་དང་མཐུན་པའི་རྣལ་འབྱོར་པ།། དོན་ལ་ཐེ་ཚོམ་མེད་པའི་བློས།། སྔགས་པ་བློ་ལྡན་འདི
183b3 ལྟར་བསྒྲུབ།། དེ་ནི་ནམ་མཁར་འགྲོ་ཞེས་བཤད།། ཕ་དང་མ་ལ་སོགས་པ་དང་།། བུ་དང་ཆུང་མ་གང་ཡིན་པ།། ཡིད་འོང་ཆགས་པའི་གནས་མེད་དེ།། རྟོག་པས་བསྒྲལ་ལ་བསྒྲུབ་པ་བརྩམ།། བྱང་ཆུབ་སྙིང་པོར
183b4 འགྲུབ་ཅེས་བཤད།། དེ་སྐད་ཅེས་སྟོན་པས་བཀའ་སྩལ་པ། རྡོ་རྗེ་སེམས་དཔའ་རྟོག་པ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཕ་མ་ལ་སོགས་པ། མཚམས་མེད་པ་ལྔའི་ལས
183b5 དེ། བསྒྲུབ་པའི་མཆོག་ཏུ་གསུངས་པ་དེ། ཨེ་མ་ཧོ་ངོ་མཚར་ལགས་ན་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་སེམས་དཔའ་ཕ་མ་རིག་པ་དང་། མ་འདོད་ཆགས་དང་། བུ་སྙིང་རྗེ་དང་།
183b6 ཆུང་མ་ཉོན་མོངས་པ་དང་། ཡིད་འོང་གཉེན་སྡུག་རྟག་ཆད་རྣམས་ནི། རང་བཞིན་གྱིས་མི་གནས་པས་ནི། མ་སྐྱེས་པ་ཉིད་ཡིད་རང་བྱུང་དུ་བསྒྲལ་ན། སྙིང་པོ་བྱང་ཆུབ་སེམས་ཀྱི་དོན་མ་ནོར་བར་རྟོགས་པ་ཡིན་ཏེ།
iiif viewer powered by OpenSeadragon
