| e-texts navigator |
| Wylie |
182b1 ཕྲིན་ལས་ཡིན།། འདི་དང་མི་ལྡན་སྐྱེ་བོ་རྣམས།། ཅི་ལྟར་བལྟས་ཀྱང་དོགས་པའི་ལམ།། དོན་གྱི་ཤེས་པ་འབྱུང་བར་དཀོན།། འདི་ནི་འདྲེན་པའི་ལམ་མཆོག་ཏུ།། རྒྱལ་བ་ཉིད་ཀྱིས་སྙིང་པོར་གསུངས།། འདི་འདྲ
182b2 ཞེས་བསྟན་དཀའ་བའི་ཕྱིར།། ལྟ་བའི་སྐབས་སྦྱོར་བཞི་པའོ།། །། ད་ནི་བསྒྲུབ་པ་ཕྲིན་ལས་ཀྱི་སྐབས་སྦྱོར་འདི་ཡིད་ལ་ཟུང་ཞིག། དེ་ལ་སངས་རྒྱས་ཀྱི་བསྒྲུབ་པ་གང་ཡིན་པ། སེམས་ཅན་གྱི་རྩོལ་བ་ཡིན་ལ།།
182b3 སེམས་ཅན་གྱི་རྩོལ་བ་ཉིད་ཀྱང་སངས་རྒྱས་ཀྱི་བསྒྲུབ་པར་འགྱུར་བས། སྐུ་དང་ཕྱག་རྒྱར་བསྒྲུབས་ཀྱང་རུང་། མ་བསྒྲུབས་ཀྱང་རུང་། བསྒྲུབས་པའི་ཕྲིན་ལས་རྫོགས་ཀྱང་རུང་། མ་རྫོགས་ཀྱང་རུང་། བསྒྲུབས་པའི
182b4 ཕྲིན་ལས་ཀྱི་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། དེ་ནི་འདི་ལྟར་བསྒྲུབ་པ་སྐུ་དང་ཕྱག་རྒྱར་བསྒྲུབས་ན། སྐུ་དང་ཕྱག་རྒྱ་ལ་སོགས་པ་ཐམས་ཅད་བྱུང་ཡང་བདག་ཉིད་ལས་བྱུང་ལ། ཆོས་ཐམས་ཅད
182b5 ཀྱང་བདག་ཉིད་ཀྱིས་ཐོབ་པར་རང་ལ་རང་ཆས་སུ་ཡོད་པས། བསྒྲུབ་པའི་གཞུང་མ་ནོར་བའི་ཕྲིན་ལས་སོ།། བསྒྲུབས་པའི་ཕྲིན་ལས་རྫོགས་ན་རིག་པའི་ཀློང་དུ་གྱུར་པ་ལ། ལས་དང་བྱ་བ་ཚང་ཞིང་དོན་དང་མན
182b6 ངག་རྫོགས་པས་བསྒྲུབ་པ་ཐོགས་ཆགས་མེད་པའི་ཕྲིན་ལས་སོ།། བསྒྲུབས་པའི་ཕྲིན་ལས་མ་རྫོགས་ན། དོན་གྱི་མན་ངག་ནང་ནས་ཤར་བ་ལ། གཉིས་སུ་མེད་ཅིང་རྩོལ་བ་ལས་མ་གྲུབ་པས། མ་རྫོགས་སུ་ཟད
iiif viewer powered by OpenSeadragon
