| e-texts navigator |
| Wylie |
182a1 ཆོས་ཐམས་ཅད་ལ་སྡུག་བསྔལ་དུ་བལྟ་ན། བཅོས་པ་མེད་པ་གཡུང་དྲུང་དུ་ལྟ་བ་ལས་མ་གཏོགས་པ། ཟིན་ཆགས་དང་རྩོལ་སྒྲུབ་སྡུག་བསྔལ་བས། ལྟ་བ་གདེངས་སུ་གྱུར་པའི་ཕྲིན་ལས་སོ།། ལྟ་བས
182a2 ཆོས་ཐམས་ཅད་ལ་རྟག་པར་བལྟ་ན། སྐྱེ་ཤི་འཕོ་འགྱུར་མེད་པའི་ཆོས་ཀྱི་སྐུ་དེ་ནི། དུས་གསུམ་དུ་འཕོ་འགྱུར་མེད་པར་རྟག་པས། ལྟ་བ་མ་ཡེངས་པའི་ཕྲིན་ལས་སོ།། ལྟ་བས་ཆོས་ཐམས་ཅད་ལ་ཆད་པར་བལྟ་ན།
182a3 དངོས་པོ་དང་མཚན་མ་རྒྱུ་དང་འབྲས་བུ་ལ་སོགས་པ་རང་བཞིན་བདེ་བ་ཆེན་པོའི་ངང་དུ་མི་གནས་པར་ཆད་པས། ལྟ་བ་མངོན་དུ་གྱུར་པའི་ཕྲིན་ལས་སོ།། དོན་ལྡན་བཀའ་ལས་བཀྲོལ་ཏེ་བཤད་པར་བྱའོ།། འཇིག
182a4 རྟེན་མེད་པར་གང་བལྟ་བ།། འདི་ཡང་བལྟ་བའི་ཕྲིན་ལས་ཡིན།། འཕོ་འགྱུར་མེད་པར་གང་བལྟ་བ།། འདི་ཡང་ལྟ་བའི་ཕྲིན་ལས་ཡིན།། སྐྱེ་ཤི་མེད་པར་གང་བལྟ་བ།། འདི་ཡང་ལྟ་བའི་ཕྲིན་ལས་ཡིན།། བྱ་བཙལ
182a5 པར་གང་བལྟ་བ།། འདི་ཡང་ལྟ་བའི་ཕྲིན་ལས་ཡིན།། ཡངས་དོག་མེད་པར་གང་བལྟ་བ།། འདི་ཡང་ལྟ་བའི་ཕྲིན་ལས་ཡིན།། རྒྱུ་འབྲས་མེད་པར་གང་བལྟ་བ།། འདི་ཡང་ལྟ་བའི་ཕྲིན་ལས་ཡིན།། ཐམས་ཅད
182a6 ང་ཡིན་གང་ཤེས་པ།། འདི་ཡང་ལྟ་བའི་ཕྲིན་ལས་ཡིན།། ལྟ་བའི་རྒྱལ་པོ་ནམ་མཁའ་ཆེ།། ཡོངས་ལ་ཁྱབ་ཅིང་དོགས་པ་མེད།། ཕྱོགས་ལ་བརྡལ་ཞིང་དོགས་པ་མེད།། ལྟ་བ་འདི་ལ་གང་གནས་པ།། དེ་ནི་ལྟ་བའི
iiif viewer powered by OpenSeadragon
