| e-texts navigator |
| Wylie |
181b1 པར་བསམས་ཀྱང་ངེས་པའི་ས།། ཀུན་ཏུ་བཟང་པོའི་ཐུགས་ཉིད་ལ།། སེམས་ཀྱི་དགོངས་པ་མཐར་ཕྱིན་པའོ།། ཐུགས་ཀྱི་སྐབས་སྦྱོར་གསུམ་པའོ།། །། ད་ནི་ལྟ་བའི་ཕྲིན་ལས་ཀྱི་སྐབས་སྦྱོར་བ་འདི་ཡིད་ལ
181b2 ཟུང་ཞིག། དེ་ལྟར་སངས་རྒྱས་ཀྱི་ལྟ་བ་ཉིད་སེམས་ཅན་གྱི་ཡིད་དུ་གཅོད་ལ། སེམས་ཅན་གྱི་ཡིད་ཀྱང་སངས་རྒྱས་ཀྱི་ལྟ་བར་ཡངས་པ། བདག་ཅག་གི་ལྟ་བ་ཆོས་ཐམས་ཅད་ལ། ཡོད་པར་བལྟ་ཡང་རུང་། མེད་པར
181b3 བལྟ་ཡང་རུང་། བདེ་བར་བལྟ་ཡང་རུང་། སྡུག་བསྔལ་དུ་བལྟ་ཡང་རུང་། རྟག་པར་བལྟ་ཡང་རུང་། མི་རྟག་པར་བལྟ་ཡང་རུང་སྟེ། ཕྲིན་ལས་ཀྱི་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། ཆོས་ཐམས་ཅད
181b4 ཡོད་པར་བལྟ་ན། ཆོས་ཐམས་ཅད་ཡེ་ནས་སངས་རྒྱས་པར་ཡོད་པར་བལྟ་བའི་རྒྱུ། རྣམ་པར་དག་པའི་ཕྲིན་ལས་སོ།། ལྟ་བས་ཆོས་ཐམས་ཅད་མེད་པར་བལྟ་བ། བདག་ཉིད་ཆེན་པོར་ལྷུན་གྱིས་གྲུབ་པར་སངས
181b5 རྒྱས་པ་ལ། ངན་སོང་འཁོར་བའི་སྡུག་བསྔལ་ཡེ་ནས་མེད་པར་བལྟ་བའི་འབྲས་བུ་རྣམ་པར་དག་པའི་ཕྲིན་ལས་སོ།། ལྟ་བས་ཆོས་ཐམས་ཅད་ལ་བདེ་བར་བལྟ་བ་ནི། འཛམ་བུའི་གླིང་དུ་གསེར་དུ་འགྱུར་ན།
181b6 བཙལ་གྱིས་མི་རྙེད་པ་བཞིན། ལྟ་བའི་རྒྱལ་པོ་འདི་ལ་སྡུག་བསྔལ་མེད་ཅིང་། ཐམས་ཅད་དུ་ལེགས་པའི་རང་བཞིན་པས། ཅི་ལྟར་སྣང་བ་བདེ་བར་གྱུར་པས་ལྟ་བའི་ཀློང་དུ་གནས་པའི་ཕྲིན་ལས་སོ།། ལྟ་བས
iiif viewer powered by OpenSeadragon
