| e-texts navigator |
| Wylie |
17b1 འགྱུར།། ནམ་མཁའི་དབྱིངས་ཀྱི་དབུས་གནས་པར།། སངས་རྒྱས་ཀུན་གྱི་དཀྱིལ་འཁོར་བསྒོམ།། སྔགས་ཀྱི་བདག་པོར་རབ་བསྒོམས་ན།། སངས་རྒྱས་ཀུན་དང་མཉམ་པར་འགྱུར།། རབ་ཏུ་དབེན་པའི་གནས་དག
17b2 གམ།། རི་བོར་ཆུ་གླིང་ནགས་འདབས་སུ།། ཏིང་འཛིན་འདི་དག་བསྒོམས་ན་ནི།། ཇི་ལྟར་འདོད་པའི་དངོས་གྲུབ་ཐོབ།། རྣལ་འབྱོར་ཅན་གྱིས་ཟླ་དྲུག་ཏུ།། བསྒོམས་ན་དེ་ནི་འགྲུབ་པར་འགྱུར།། གླང་པོའི་ཤ་ལ
17b3 སྩོགས་པ་ཡི།། ཤ་ལྔ་དག་ལ་བྱིན་གྱིས་བརླབས།། ཟས་ཕྱིར་འདི་དག་བཟའ་བྱ་སྟེ།། ཁ་ཟས་གཞན་ལ་ཆགས་མི་བྱ།། ནམ་མཁའི་དབྱིངས་ཀྱི་དབུས་གནས་པར།། རང་སྔགས་ཡི་གེའི་རྣམ་པ་ཀུན།། ཇི་བཞིན
17b4 བསྒོམས་ནའང་འགྲུབ་པར་འགྱུར།། ནམ་མཁའི་དབྱིངས་ཀྱི་དབུས་གནས་པར།། རང་གི་ཐུགས་ཀྱི་མཚན་མ་རྣམས།། ཇི་བཞིན་རྣམ་པར་བསྒོམས་ན་ཡང་།། འགྲུབ་འགྱུར་འདི་ལ་ཐེ་ཚོམ་མེད།། རྩེ་གཅིག་པ་ཡི
17b5 ཏིང་འཛིན་འདིས།། གང་འདོད་ལས་དེ་བྱེད་པས་ན།། ཆོ་ག་རྫས་དང་ཡོ་བྱད་རྣམས།། ཚོགས་པ་ཡང་ནི་གཙོར་མ་བཤད།། མ་ཚོགས་ན་ཡང་ངེས་པར་འགྲུབ།། དེ་བས་ནན་ཏན་ཆེར་བསྐྱེད་དེ།། ཏིང་འཛིན་དཀྱིལ
17b6 འཁོར་བསྒོམས་པར་བྱ།། དཔེར་ན་གླང་ཆེན་སྨྱོན་པ་དག། གདུལ་ཐབས་ལྕགས་ཀྱུས་འདུལ་བ་ལྟར།། རང་སེམས་དམུ་རྒོད་གདུལ་དཀའ་ཡང་།། མཉམ་གཞག་ཏིང་འཛིན་རྩེ་གཅིག་གིས།། བཏུལ་ན་དངོས་གྲུབ
iiif viewer powered by OpenSeadragon
