| e-texts navigator |
| Wylie |
178b1 རྒྱལ་བས་གསུངས།། གང་ཞིག་འདི་དང་མ་ལྡན་ཆོས་སྨྲ་བ།། བདེན་པར་སྨྲས་ཀྱང་ཕ་རོལ་མི་གོ་སྟེ།། དཔེར་ན་རྒྱལ་པོ་མ་ཡིན་དམངས་རྣམས་ཀྱིས།། བདེན་པར་སྨྲས་ཀྱང་ཉན་པ་མེད་པ་ལྟར།། འདི་དག་མི་ཤེས
178b2 རྣལ་འབྱོར་གཞན་རྣམས་ཀྱིས།། དོན་དང་ལྡན་ཡང་གང་ཡང་འདུལ་བ་མེད།། ཞལ་ནས་ཅི་གསུངས་གསུང་རབ་བདུད་རྩི་ལ།། གཞན་ལ་ཅི་བརྗོད་མན་ངག་སྟོན་པའི་མཆོག། ཚིག་གི་སྒྲ་སྐད་སྐྱེ་མེད་ཆོས་ཀྱི
178b3 དབྱིངས།། དོན་གྱི་བདེན་པས་ངར་འཛིན་རྟོག་པ་མེད།། ལུང་དང་ལྡན་པས་བརྗོད་པ་དོན་གྱི་དབང་།། བླ་མའི་ལུང་ལས་ཕྱུང་སྟེ་བསྟན་པར་བྱའོ།། འདི་དང་མི་ལྡན་ཆོས་སྟོན་པ།། དམ་ཆོས་ཉམས་པའི་རྒྱུར་འགྱུར
178b4 རོ།། བཤད་ཀྱང་དོན་མེད་གཡེངས་པའི་རྒྱུ།། འདི་ལྟར་རྟོགས་ནས་གང་སྨྲ་བ།། ལོག་པར་བསྟན་ཀྱང་ངེས་པའི་ལུང་།། སྤྲོས་པ་མེད་པའི་ཆོས་མཛོད་དེ།། མན་ངག་བདུད་རྩིའི་ཆར་ཕབ་པའོ།། གསུང་གི་སྐབས
178b5 སྦྱོར་གཉིས་པའོ།། །། ད་ནི་ཐུགས་ཀྱི་ཕྲིན་ལས་ཀྱི་སྐབས་སྦྱོར་འདི་ཡིད་ལ་ཟུང་ཞིག། དེ་ལ་སངས་རྒྱས་ཀྱི་ཐུགས་གང་ཡིན་སེམས་ཅན་གྱི་ཡིད་ལ། སེམས་ཅན་གྱི་ཡིད་གང་ཡིན་པ་བདག་གི་སེམས་ཏེ། བདག
178b6 གིས་བསམས་ཀྱང་རུང་། མ་བསམས་ཀྱང་རུང་། ཡིད་ལ་དྲན་ཡང་རུང་། མ་དྲན་ཡང་རུང་། ཉོན་མོངས་པ་ལྔའི་སེམས་སྐྱེས་ཀྱང་རུང་། མ་སྐྱེས་ཀྱང་རུང་། བཟང་པོར་བསམས་ཀྱང་རུང་། ངན་པར་བསམས་ཀྱང
iiif viewer powered by OpenSeadragon
