| e-texts navigator |
| Wylie |
178a1 ཉོན་མོངས་པ་རང་ག་མས་མི་དཀའ་བ་མེད་པས། བཞད་གད་བྲེ་མོའི་གཏམ་དུ་སྨྲ་བ་སྟེ་གསུང་དགྱེས་པ་ཆེན་པོའི་ཕྲིན་ལས་སོ།། ངག་ཞེ་སྡང་གི་ཁྲོ་གཏུམ་དང་བྱམས་པའི་གཏམ་ངག་ཏུ་བརྗོད་པ་ནི།།
178a2 གཟུང་འཛིན་གྱི་རྣམ་པར་རྟོག་པ་སུན་ཕྱུང་བ་དང་། ཆོས་ཉིད་ཟུག་རྔུ་མེད་པའི་སྙིང་རྗེ་བཟུང་བས་ཁྲོ་གཏུམ་དང་གདམས་ངག་སྨྲ་བ་སྟེ་གསུང་ཇི་ལྟར་འདུལ་བ་བཞིན་དུ་མཛད་པའི་ཕྲིན་ལས་མཛད་པའོ།། དེ་བས
178a3 མན་ངག་གསུང་གི་ཕྲིན་ལས་མཛད་པ་ནི། ཐམས་ཅད་ཆོས་ཉིད་དུ་ཕྲིན་ལས་ཡེངས་པ་མེད་པར་མཛད་པ་སྟེ། དེ་ལ་འདི་སྐད་ཅེས་བརྗོད་པར་བྱའོ།། རང་བཞིན་སྤྲོས་བྲལ་དེ་བཞིན་གཤེགས་རྣམས་ཀྱི་གསུང་།།
178a4 བརྗོད་མེད་མ་སྐྱེས་ཡེ་ནས་སྟོང་པའི་གཞི།། ཚིག་དང་ཡི་གེར་མ་བརྟགས་མཚན་མ་མེད།། དངོས་མེད་མ་སྐྱེས་ཆོས་རྣམས་འབྱུང་བའི་མཛོད།། ཐབས་ལ་མཁས་པས་ཡོངས་ལ་ཁྱབ་པར་སྒྲོགས།། འགྲོ་བའི་དོན
178a5 མཛད་གསུང་རབ་བདུད་རྩིའི་བཅུད།། མ་རིག་ལོག་རྟོག་ཁ་ལོ་གྱེན་ལ་བསྒྱུར།། དམ་པ་ཆོས་ཀྱི་ཡོན་ཏན་བརྗོད་མི་ལངས།། ཇི་སྙེད་བརྗོད་པས་གསུང་རབ་རྒྱ་མཚོ་སྟེ།། ཐེག་པའི་བྱེ་བྲག་བློ་ལ་སྣང་བར
178a6 འགྱུར།། དོན་འདི་གང་ཞིག་བློ་ལ་འཆང་བ་དང་།། ངེས་པར་སེམས་ལ་གསལ་བའི་རྣལ་འབྱོར་དེས།། ཇི་སྙེད་བརྗོད་པ་ཆོས་ཀྱི་སྒོ་མོ་ལ།། ཕ་རོལ་གཞན་གྱིས་ཤེས་པས་གྲོལ་བ་ཡིས།། གསུང་རབ་དོན་དང་ལྡན་པ
iiif viewer powered by OpenSeadragon
