| e-texts navigator |
| Wylie |
177a1 ཀྱི་འཁོར་ལོ་བསྐོར་བའི་ཕྲིན་ལས་སོ།། ངག་གིས་མ་བརྗོད་ཅིང་མ་གླེངས་ན། གསུང་ཆོས་ཉིད་བདེན་པའི་དོན་ལ་ཚིག་ཏུ་མ་གསུངས་པས་ཀྱང་དོན་གོ་བར་བཞེད་པས། མ་གཡོས་པའི་ཆོས་ཉིད་ཀྱི
177a2 གསུང་ལ། སྐྱེ་བ་མེད་པའི་གསུང་ཅང་མི་གསུང་བར་བཞུགས་པས། ངག་གསུང་བརྗོད་པ་མེད་པའི་ཕྲིན་ལས་སོ།། ངག་གིས་བདེན་པར་སྨྲ་ན། མར་ཁུ་ཁོལ་མའི་ནང་དུ་ཆུ་མི་གནས་པ་བཞིན་དུ། ཆོས་ཉིད་ལ་རྫུན
177a3 གསུང་དུ་མི་མངའ་སྟེ། ཅི་གསུངས་པ་དོན་དང་ལྡན་པས། རྫུན་མེད་པའི་རང་བཞིན་ཏེ། གསུང་བདེན་པའི་ཕྲིན་ལས་སོ།། ངག་གིས་རྫུན་དུ་སྨྲས་ཤིང་བརྗོད་ན། གསུང་རབ་དམ་པའི་ཆོས་ཀྱིས་ཉོན་མོངས་པ
177a4 འཁོར་བའི་ཆོས་བསླུ་ཞིང་འབྲིད་ལ། རྫུན་དང་འདྲ་བ་ཡིན་པས། གསུང་འཁོར་བ་འདྲེན་པའི་ཕྲིན་ལས་སོ།། ངག་གིས་སྙན་པར་སྨྲས་ཤིང་བརྗོད་ན། ཆོས་ཉིད་ཀྱི་བྱིན་རླབས་ཀྱིས་འགྲོ་བ་ཀུན་གྱི་ཡིད་ཚིམ་པའི
177a5 རང་བཞིན་པས། དབང་པོ་ཚིམ་ཞིང་གོ་བར་བྱེད་པས་སྙན་པར་སྨྲ་བ་སྟེ་གསུང་ཀུན་དང་མཐུན་པའི་ཕྲིན་ལས་སོ།། ངག་གིས་མི་སྙན་པར་སྨྲས་ཤིང་བརྗོད་ན། དཔེར་ན་དགྲ་སྡང་བ་ཉིད་ཀྱང་དགེ་བའི་བཤེས
177a6 གཉེན་ལ། མི་སྙན་པར་སྨྲས་པ་ཉིད་ནི། རྒྱུ་ལ་ཤེས་པ་ཆེ་བས། འབྲས་བུ་འཁོར་བར་ཆགས་ཀྱིས་དོགས་པས་མི་སྙན་པར་བརྗོད་པ་སྟེ་གསུང་ཆགས་པ་དང་བྲལ་བའི་ཕྲིན་ལས་སོ།། ངག་གིས་སྒྲ་ལྷང་ལྷུང་པོར
iiif viewer powered by OpenSeadragon
