| e-texts navigator |
| Wylie |
176b1 པར་སྤྱད་ཀྱང་སྡིག་པའི་ཤས།། བསྒྲུབས་ཀྱང་དོན་མེད་གཡེང་བའི་རྒྱུ།། འདི་ལ་གང་ཞིག་གོམས་བྱེད་པས།། ཉེས་པར་སྤྱད་ཀྱང་ལེགས་པའི་ལམ།། མ་བསྒྲུབས་པར་ཡང་གྲུབ་པའི་གདེང་།། གཡུང་དྲུང་སྐུ་ཡི
176b2 གཏེར་བཙུགས་པའོ།། སྐུ་ཡི་སྐབས་སྦྱོར་དང་པོའོ།། །། ད་ནི་གསུང་གི་སྐབས་སྦྱོར་ཡིད་ལ་ཟུང་ཞིག་དེ་ལ་སངས་རྒྱས་ཀྱི་གསུང་གང་ཡིན་པ་སེམས་ཅན་གྱི་ངག་ཡིན་ལ། སེམས་ཅན་གྱི་ངག་གང་ཡིན་པ
176b3 བདག་གིས་སྨྲ་བ་སྟེ། བདག་གིས་སྨྲ་བ་བརྗོད་ཀྱང་རུང་། མ་བརྗོད་ཀྱང་རུང་། བདེན་པར་སྨྲས་ཀྱང་རུང་། རྫུན་པར་སྨྲས་ཀྱང་རུང་། སྙན་པར་སྨྲས་ཀྱང་རུང་། མི་སྙན་པར་སྨྲས་ཀྱང་རུང་། སྒྲ་ལྷང་ལྷུང་པོར་སྨྲས
176b4 ཀྱང་རུང་། གསང་སྟེ་ཤུབ་བུར་བརྗོད་ཀྱང་རུང་། གང་ཟག་གི་སྒྲེན་ཚིག་ཏུ་སྨྲས་ཀྱང་རུང་། མན་ངག་གི་ཆོས་ཉིད་དུ་བརྗོད་ཀྱང་རུང་། འདོད་ཆགས་ཀྱི་སྦྱོར་སྔགས་སུ་བརྗོད་ཀྱང་རུང་། བཞད་གད་ཀྱི་བྲེ་མོའི
176b5 གཏམ་དུ་སྨྲས་ཀྱང་རུང་། ཞེ་སྡང་གི་ཁྲོ་གཏུམ་དང་བྱམས་པའི་གཏམ་ངག་ཏུ་སྨྲས་ཀྱང་རུང་སྟེ། ཕྲིན་ལས་ཀྱི་རྒྱལ་པོ་སྐབས་སྦྱོར་ཉིད་དུ་མཛད་པ་སྟེ། དེ་ཅིའི་ཕྱིར་ཞེ་ན། དེ་ནི་འདི་ལྟར་ངག་སྨྲ་ཞིང་བརྗོད་ན། སྐྱེ་བ
176b6 མེད་པའི་ཆོས་ཀྱི་དབྱིངས་རུམ་ནས། འགྲོ་བ་འདུལ་བའི་ཐབས་སུ་ཐུགས་ཀྱིས་དགོངས་ནས། མགུར་གྱི་བུམ་པ་ལས་ཕྱུང་། ལྗགས་ཀྱི་དབང་པོ་ལ་བཀྲམ་ནས། སྣོད་ཀྱི་རིམ་པར་བསྒྲགས་པས། ངག་གསུང་ཆོས
iiif viewer powered by OpenSeadragon
