| e-texts navigator |
| Wylie |
175b1 དང་གཉིས་སུ་མེད་དེ་མཉམ་པ་ཉིད་ཀྱི་ཡེ་ཤེས་ཀྱི་ཕྲིན་ལས་སོ།། ལུས་ལ་དྲོད་འབྱུང་བ་ཐམས་ཅད་ནི། པདྨའི་རིགས་ཏེ་གོས་དཀར་མོ་དང་གཉིས་སུ་མེད་པའི་སོ་སོར་རྟོགས་པའི་ཡེ་ཤེས་ཀྱི་ཕྲིན་ལས་སོ།། ལུས
175b2 ཀུན་ཏུ་སྤྱོད་ཏུབ་ཏུབ་པ་ཐམས་ཅད་ནི། ལས་ཀྱི་རིགས་ཏེ་དམ་ཚིག་སྒྲོལ་མ་དང་གཉིས་སུ་མེད་དེ་བྱ་བ་ནན་ཏན་གྱི་ཡེ་ཤེས་ཀྱི་ཕྲིན་ལས་སོ།། ལུས་གཞིག་ན། རང་བཞིན་མེད་པ་ཐམས་ཅད་ནི་དེ་བཞིན་གཤེགས
175b3 པའི་རིགས་ཏེ། ཀུན་ཏུ་བཟང་མོ་དང་གཉིས་སུ་མེད་དེ་སྟོང་པ་ཉིད་ཀྱི་ཡེ་ཤེས་ཀྱི་ཕྲིན་ལས་སོ།། དེ་བས་ན་ལུས་སྐུའི་ཕྲིན་ལས་ཐམས་ཅད་ནི་ཡང་དག་པའི་ཕྲིན་ལས་ལ་ཡེངས་པ་མེད་པར་མཛད་དེ། དེ་ལ་འདི
175b4 སྐད་ཅེས་བརྗོད་པར་བྱའོ།། གདོད་ནས་མ་སྐྱེས་རྣམ་དག་དབྱིངས་ཀྱི་སྐུ།། ཡོངས་ལ་ཁྱབ་པས་ཐུགས་རྗེ་སྤྲུལ་པའི་སྐུ།། ཐབས་མཁས་རོལ་པས་ལོངས་སྤྱོད་རྫོགས་པའི་སྐུ།། སྐྱེ་ཤི་མེད་པས་རྡོ་རྗེ་སེམས་ཀྱི
175b5 སྐུ།། དོན་དམ་རྟོགས་པས་མངོན་པར་བྱང་ཆུབ་སྐུ།། གཉིས་མེད་གཡུང་དྲུང་བདེ་ཆེན་ཆོས་ཀྱི་སྐུ།། སྐུ་ལྔ་དབྱེར་མེད་རོལ་པའི་ཕྲིན་ལས་ཀྱི།། དོན་དམ་ཕྲིན་ལས་ཡེངས་པ་མེད་པར་མཛད།། ལུས་ཀྱི་བསྐུལ་བསྐྱོད
175b6 ཕྱག་རྒྱའི་དཀྱིལ་འཁོར་ལ།། སྐུ་ཡི་ཕྲིན་ལས་ཅིར་ཡང་གཡོས་པ་མེད།། མ་ལུས་ཐབས་སུ་བསྒྱུར་བའི་ཕྲིན་ལས་ཀྱིས།། གང་ཞིག་བསྒྲལ་བ་བྱང་ཆུབ་དེ་ཐོབ་ནས།། སྲོག་བཅད་ཉིད་ཀྱིས་ཐར་ལམ་བདེ
iiif viewer powered by OpenSeadragon
