| e-texts navigator |
| Wylie |
174a1 རྒྱུད་དུ་བསྒོམས་ན། མངལ་གྱི་སྲིན་པར་སྐྱེའོ།། སྒྲོལ་བ་རང་རྒྱུད་དུ་བསྒོམས་ན། ལས་ཀྱི་སྲིན་བུར་སྐྱེའོ།། ཡུམ་རང་རྒྱུརྒུད་དུ་བསྒོམས་ན། ཆོས་ཉིད་ཀྱི་རོ་མི་མྱོང་། པདྨ་རང་རྒྱུད་དུ་བསྒོམས་ན། བྷ་ག
174a2 འདུས་པ་དང་འགལ་ལོ།། གསང་བའི་རྡོ་རྗེ་རང་རྒྱུད་དུ་བསྒོམས་ན། རིགས་པ་དབྱེས་རིང་དུ་སྐྱེའོ།། འཇམ་དཔལ་རང་རྒྱུད་དུ་བསྒོམས་ན། ཚ་བའི་ནད་མི་འཆད་དོ།། ཙིཏྟ་ལེན་པ་རང་རྒྱུད་དུ་བསྒོམས་ན། སྲོག་གི
174a3 ལན་ཆགས་འོང་ངོ་།། ཕུང་པོ་རང་རྒྱུད་དུ་བསྒོམས་ན། ངན་སོང་གསུམ་གྱི་གཞི་སོག་གོ། བྱང་ཆུབ་སེམས་དཀར་དམར་རྣམ་གཉིས་རང་རྒྱུད་དུ་བསྒོམས་ན། སེམས་ཅན་གྱི་གཟུགས་སུ་སྨིན་ནོ།། རྒྱུད་ཀྱི་རྒྱལ་པོ
174a4 ཏིང་ངེ་འཛིན་མཆོག་གི་རྒྱུད་ལས། ཏ་ན་ག་ཎའི་རྟོག་པ་བཤད་པའི་ལེའུ་སྟེ་བཅུ་གཅིག་པའོ།། །། དེ་སྐད་ཅེས་ཡིད་བྱེད་པ་པོ་ཀུན་ཏུ་བཟང་པོས། ཅི་ཡང་མ་གསུངས་པར་བཀའ་སྩལ་པས། རྡོ་རྗེ་སེམས་དཔའ་ལ
174a5 སོགས་པ་རིགས་ལྔ་ཡབ་ཡུམ་དང་། ཞི་ཁྲོའི་ལྷ་བརྒྱ་རྩ་བརྒྱད་ཀྱི་འཁོར་གྱིས། རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ཀྱི་དོན་རྟོགས་སོ།། རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། འབྲས་བུ་ངེས་པར
174a6 བཀོད་པ་རྫོགས་སོ།། སྠི།། ཕྲིན་ལས་ཐམས་ཅད་ཀྱི་རྒྱལ་པོ་སྐབས་སྦྱོར་བདུན་པའི་རྒྱུད། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཤེས་པའི་དུས་གཅིག་ན།།
iiif viewer powered by OpenSeadragon
