| e-texts navigator |
| Wylie |
170a1 བྷྱོ་བྷྱོ་བྷྱོ་བྷྱོ་བྷྱོ། བྷྱོ་བྷྱོ་བྷྱོ་བྷྱོ། སྔགས་དང་སྙིང་པོ་དེ་རྣམས་ཀྱིས། ལྷ་ལྔ་བཅུ་རྩ་བརྒྱད་ཀྱི་དཀྱིལ་འཁོར་ཤིན་ཏུ་བཀྲ་ཞིང་མི་སྣང་བར་གསལ་ལོ།། དེ་ཙམ་ན་ཆོས་ཉིད་མཉམ་པ་ལས་མ་གཡོས་ཤིང
170a2 འཇིག་རྟེན་གྱི་ཁམས་ལྷའི་དཀྱིལ་འཁོར་གྱིས་མ་ཁེངས་པ་མེད་པ་ལ། དོན་མི་བྱེད་པ་མེད་ཅིང་། དོན་བྱ་བའི་རྒྱུ་ཡང་མེད་དོ།། དོན་བྱས་པའི་མཐུ་མ་རྟོགས་པ། སྨྲེ་སྔགས་འདོན་པ་རྣམས། ཆོས་ཉིད་ལ་རོ་ཉམས་སུ
170a3 མྱང་དུ་བཅུག་ནས། བདེ་བ་ཆེན་པོའི་རྒྱན་དུ་བྱས། སྣང་སྲིད་ཆོས་ཀྱི་དབྱིངས་སུ་འདུས་པས། གཞལ་ཡས་ཁང་ལ་མ་བརྒྱན་དགུས་བརྒྱན་ནོ།། བརྡལ་བ་ཆེན་པོའི་ཡེ་ཤེས་ཤར་ནས། མ་བྱུང་དགུ་བྱུང་། མ་བཀག
170a4 པའི་རོལ་པ་བྱུང་བས་མ་སྦྲུལ་དགུ་སྤྲུལ་ལོ།། བདག་ཉིད་ཆེན་པོར་སངས་རྒྱས་པས་གཅིག་ཀྱང་མཐར་མ་གྲུབ་བོ།། རོལ་པའི་ཆོ་འཕྲུལ་ཡིན་པས། སྐུ་མདོག་དང་ཕྱག་མཚན་རྒྱན་དང་ཆ་ལུགས་ཐམས་ཅད་ཀྱང
170a5 གསལ་ལོ།། ཡེ་ཤེས་ལ་ཡེ་ཤེས་གདུལ་མི་དགོས་པའི་ཚུལ་གྱིས་བཏུལ། རོལ་མི་དགོས་པའི་ཚུལ་གྱིས་སྤྱོད་ནས། སྣང་སྲིད་ཡེ་རྒྱ་ཆེན་པོས་བཏབ་བོ།། རྒྱུད་ཀྱི་རྒྱལ་པོ་ཏིང་ངེ་འཛིན་མཆོག་གི་རྒྱུད་ལས། གསུང
170a6 ཡིག་འབྲུའི་ཆོ་འཕྲུལ་གྱིས། བདུད་བཏུལ་བའི་ལེའུ་སྟེ་བདུན་པའོ།། །། ད་ནི་ཡེ་ཤེས་རྒྱལ་པོའི་གཞལ་ཡས་ཁང་གི་རྟོགས་པ་བཤད་དེ། ཡི་གེ་ཧཱུཾ་འབར་རང་རྒྱུད་དུ་བསྒོམས་ན་གདུག་རྩུབ་ཀྱི་ཚོགས་སུ
iiif viewer powered by OpenSeadragon
