| e-texts navigator |
| Wylie |
16b1 དང་།། སངས་རྒྱས་ཀུན་གྱིས་སྲས་སུ་དགོངས།། རྒྱལ་སྲས་རྣམས་ཀྱིས་གྲོགས་སུ་མཐོང་།། དེ་ལ་སྩོགས་ཏེ་བསམ་མི་ཁྱབ།། སངས་རྒྱས་དག་ནི་ཐམས་ཅད་ཀྱི།། སྐུ་ཡི་དཀྱིལ་འཁོར་བཀོད་པ་ལས།། རྣམ་པ་མཐའ
16b2 ཡས་གྲུབ་པར་འགྱུར།། གཞན་ཡང་སངས་རྒྱས་ཐམས་ཅད་ཀྱི།། ཡི་གེ་གསུང་གི་དཀྱིལ་འཁོར་ནི།། ཇི་བཞིན་དཀྱིལ་འཁོར་བྲིས་པ་ལས།། ཡི་གེ་གསུང་གི་ཕྱག་རྒྱའི་ཚོགས།། ཇི་བཞིན་གསལ་བར་བཀོད་པ
16b3 ཡི།། དཀྱིལ་འཁོར་དག་ཏུ་སློབ་མ་རྣམས།། ཞུགས་པ་ཡང་ནི་དེ་བཞིན་ནོ།། གཞན་ཡང་སངས་རྒྱས་ཐམས་ཅད་ཀྱི།། ཐུགས་ཀྱི་དཀྱིལ་འཁོར་དམ་པ་ནི།། ཇི་བཞིན་དཀྱིལ་འཁོར་བྲིས་ནས་ཀྱང་།། སོ་སོའི་རང
16b4 རྟགས་ཕྱག་མཚན་རྣམས།། ཇི་བཞིན་གནས་སུ་བཀོད་པ་རུ།། གཞུག་པ་ལ་སྩོགས་བྱས་ན་ཡང་།། ཡོན་ཏན་དེ་དང་འདྲ་བར་འགྱུར།། སྐུ་དང་གསུང་དང་ཐུགས་ཀྱི་རྣམས།། གཅིག་ལའང་གསུམ་གསུམ་ཡོད་པ
16b5 ཡིན།། དེ་བས་རྣལ་འབྱོར་བློ་ལྡན་པས།། ངེས་པ་མེད་པར་ཤེས་པར་བྱའོ།། ཞེས་གསུངས་སོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་ཁུ་བྱུག་རོལ་པའི་མདོ་ལས། སྐུ
16b6 གསུང་ཐུགས་ཀྱི་གཟུགས་བརྙན་གྱི་དཀྱིལ་འཁོར་རིམ་པར་བཀོད་པའི་ལེའུ་སྟེ་གསུམ་པའོ།། །། དེ་ནས་རྒྱལ་པོ་རྡོ་རྗེ་འཛིན།། ཐམས་ཅད་མི་འགྱུར་ནམ་མཁའ་ཆེ།། རྣམ་དག་གསུང་མཆོག་རྒྱལ་པོ
iiif viewer powered by OpenSeadragon
