| e-texts navigator |
| Wylie |
16a1 དག་གཞན་ལའང་གཏང་བ་དང་།། དམ་པའི་ཆོས་ནི་ཉན་སེམས་དང་།། སྣ་ཚོགས་སྒྲ་རྣམ་ཟོས་པ་དང་།། སྔོན་མ་ཐོས་པའི་ཚིག་ཟོས་དང་།། དེ་ལ་སྩོགས་པའི་རྣམ་པ་ནི།། རིན་ཆེན་འཛིན་གྱི
16a2 དབང་ཐོབ་ལྟས།། པདྨའི་རྫིང་ན་རྩེ་བ་དང་།། དེ་ལ་རྩེ་ཞིང་ཟ་བ་དང་།། གླེགས་བམ་ཟབ་མོ་རྙེད་པ་དང་།། དེ་ལ་འཆད་ཅིང་ཀློག་པ་དང་།། འགྲོ་བ་དག་ལ་ཆོས་སྟོན་དང་།། དགེ་སློང་དགེ་འདུན་རྣམས་ཀྱིས
16a3 བསྐོར།། དེ་ལ་སྩོགས་པའི་ལྟས་རྣམས་ནི།། རྡོ་རྗེ་ཆོས་ཀྱི་དབང་ཐོབ་ཡིན།། ལས་རྣམས་ཀུན་ལ་འཇུག་པ་དང་།། རལ་གྲི་ལག་ཏུ་ཐོགས་པ་དང་།། རི་རབ་གླད་ལ་བསྐོར་བ་དང་།། ཉི་ཟླ་ལག་པས་བཟུང་བ
16a4 དང་།། གསོད་དང་གསད་དང་རྒྱལ་བ་དང་།། ཐེག་པ་རྣམས་ལ་ཞོན་པ་དང་།། དེ་ལ་སྩོགས་པའི་ལྟས་རྣམས་ནི།། སྣ་ཚོགས་རྡོ་རྗེའི་དབང་ཐོབ་ལྟས།། རྨི་ལྟས་མཚན་མ་ཇི་སྙེད་པ།། ཇི་ལྟར་རྨི་ཞིང་མཐོང
16a5 བའམ།། ཡང་ན་ཅི་ཡང་མ་མཐོང་བའམ།། མངོན་སུམ་གསལ་བ་ཐམས་ཅད་ཀུན།། སྤྱི་ཡི་དབང་ཐོབ་ལྟས་སུ་རུང་།། གང་ཞིག་དཀྱིལ་འཁོར་འདི་དག་ཏུ།། ཞུགས་ནས་དབང་ཐོབ་གང་ཟག་དེ།། འཇིག་རྟེན་གཙོ
16a6 དང་འཁོར་གྱིས་བཀུར།། ཚེ་རིང་བདེ་བ་ཕུན་སུམ་ཚོགས།། ཀུན་གྱིས་བསྟོད་ཅིང་བཀུར་བ་དང་།། སྡུག་ཅིང་བསྔགས་པ་བརྗོད་པ་དང་།། ནད་མེད་ལང་ཚོ་བདེ་བ་དང་།། འཇིག་རྟེན་མཐུ་ཆེན་འདུལ་བ
iiif viewer powered by OpenSeadragon
