| e-texts navigator |
| Wylie |
166a1 དུ་བསྒོམས་ན། འབྲས་བུའི་སྒོ་ལམ་འགག་གོ། པི་ཝང་རང་རྒྱུད་དུ་བསྒོམས་ན། ཤེས་པ་བསླུ་བྲིད་ཀྱི་གཡང་སར་ལྷུང་ངོ་།། གར་རང་རྒྱུད་དུ་བསྒོམས་ན། མི་ནག་གི་ཆབ་བརྒལ་དུ་འགྱུར་རོ།། ཀླུ
166a2 ཤིང་རང་རྒྱུད་དུ་བསྒོམས་ན། བྱོལ་སོང་གི་གླིང་དུ་སྐྱེའོ།། གཎྜཱི་རང་རྒྱུད་དུ་བསྒོམས་ན། དངོས་པོའི་རྫས་སྣོད་དུ་འགྱུར་རོ།། པོ་ཏི་རང་རྒྱུད་དུ་བསྒོམས་ན། ཆོས་ཉིད་ཀྱི་དོན་འགག་གོ། རིན་པོ་ཆེའི་སྙེ་མ་རང་རྒྱུད
166a3 དུ་བསྒོམས་ན། མི་དམིགས་པའི་ཤེས་རབ་མི་སྐྱེའོ།། ཨུཏྤལ་ལ་རང་རྒྱུད་དུ་བསྒོམས་ན། མཁྱེན་པའི་གསལ་མི་ཕྱེད་དོ།། སྤོས་མེ་རང་རྒྱུད་དུ་བསྒོམས་ན། འབྱུང་པོའི་ཚོགས་སུ་སྐྱེའོ།། མེ་ཏོག་རང་རྒྱུད་དུ་བསྒོམས
166a4 ན། ལྷའི་བུའི་བདུད་ཀྱིས་བསླུའོ།། མར་མེ་རང་རྒྱུད་དུ་བསྒོམས་ན། རྒྱུན་གྱི་ཏིང་ངེ་འཛིན་ཆད་དོ།། དྲི་ཆབ་རང་རྒྱུད་དུ་བསྒོམས་ན། སྤང་ལེན་གྱི་སྐྱོན་འབྱུང་ངོ་།། སྒོ་བའི་ཕྱག་མཚན་དབྱུག་ཏོ་རང་རྒྱུད་དུ་བསྒོམས
166a5 ན། ཤེས་པའི་སྒོ་འགག་གོ། གཏུན་ཤིང་རང་རྒྱུད་དུ་བསྒོམས་ན། ཕུང་པོའི་རང་སྙིགས་བྱེད་དོ།། རལ་གྲི་རང་རྒྱུད་དུ་བསྒོམས་ན། ནགས་ཚལ་ལོ་མར་འགྱུར་རོ།། དྲིལ་བུ་རང་རྒྱུད་དུ་བསྒོམས་ན། ཡེངས་པའི་རྒྱུད
166a6 ཡོད་དོ།། སྡིགས་མཛུབ་རང་རྒྱུད་དུ་བསྒོམས་ན། ལས་ཀྱི་སྒྲིབ་པ་ཆེའོ།། དགྲ་སྟ་རང་རྒྱུད་དུ་བསྒོམས་ན། མཚོན་གྱི་བསྐལ་པ་འབྱུང་ངོ་།། བེ་ཅོན་རང་རྒུད་དུ་བསྒོམས་ན། གནོད་སྦྱིན་གྱི་གླིང་དུ་སྐྱེའོ།། པདྨ་རང
iiif viewer powered by OpenSeadragon
