| e-texts navigator |
| Wylie |
164b1 མཐོངས་ཀུན་རང་རྒྱུད་དུ་བསྒོམས་ན། འཛམ་བུ་གླིང་བཞིའི་མཐའ་འཁོར་རོ།། འཁོར་ལོ་རང་རྒྱུད་དུ་བསྒོམས་ན། ཤིང་རྟའི་འཁོར་ལོ་འདྲའོ།། གློ་བུར་དང་བར་ཁྱམས་རང་རྒྱུད་དུ་བསྒོམས་ན། འཁོར་བའི་རྙིས
164b2 འཛིན་ཏོ།། གདན་ཁྲི་རང་རྒྱུད་དུ་བསྒོམས་ན། བྱོལ་སོང་སྤྱོད་བཀོལ་གྱི་སྡིག་སྨིན་ནོ།། རིན་པོ་ཆེའི་ཁྲི་རང་རྒྱུད་དུ་བསྒོམས་ན། འཛིན་ཆགས་ཀྱི་སྒོ་མི་ཁེགས་སོ།། པདྨའི་གདན་རང་རྒྱུད་དུ་བསྒོམས་ན། རྣམ་པར
164b3 ཤེས་པ་སྡུག་བསྔལ་གྱི་རྗེས་སུ་འབྲང་ངོ་།། ཉི་ཟླའི་གདན་རང་རྒྱུད་དུ་བསྒོམས་ན། དབྱིངས་ཡེ་ཤེས་ཀྱི་དོན་མི་འཆར་རོ།། རྡོ་རྗེའི་བྲག་རྒྱུད་དུ་བསྒོམས་ན། སེམས་ཅན་གྱི་སྡུག་བསྔལ་གྱི་རང་བཞིན་གྱི་གཏན་གཞི
164b4 མི་ཤིགས་སོ།། ཏཱ་ལའི་སྐྱེ་ཤིང་རང་རྒྱུད་དུ་བསྒོམས་ན། འདོད་པ་ལ་ཆོག་ཤེས་པའི་དུས་མེད་དོ།། འོད་ཟེར་རང་རྒྱུད་དུ་བསྒོམས་ན། སེམས་ཅན་གྱི་རྟོག་པ་སྐྱེའོ།། འཕྲོ་འདུ་རང་རྒྱུད་དུ་བསྒོམས་ན། བདུད་ཀྱི་བར
164b5 ཆད་དུ་འགྱུར་རོ།། སྤྲུལ་པ་རང་རྒྱུད་དུ་བསྒོམས་ན། བགེགས་ཀྱི་ཆོ་འཕྲུལ་འབྱུང་ངོ་།། ཁ་དོག་རྣམ་ལྔ་རང་རྒྱུད་དུ་བསྒོམས་ན། ཆོས་ཉིད་དུ་ལ་མི་ཟློས་སོ།། རྒྱུད་ཀྱི་རྒྱལ་པོ་ཏིང་ངེ་འཛིན་གྱི་རྒྱུད་ལས། ཏིང་འཛིན
164b6 རྣམ་གསུམ་དང་། གཞན་ཡས་ཁང་གི་སྐྱོན་བཙལ་བའི་ལེའུ་སྟེ་གསུམ་པའོ།། །། ད་ནི་ཡིད་བྱེད་པ་པོ་ཀུན་ཏུ་བཟང་པོས་སྐུ་ཕྱག་རྒྱའི་ཉེས་པ་བཤད་དོ།། བྷུདྡྷ་བཞི་བཅུ་རྩ་གཉིས་ཡབ་ཀྱི་སྐུ་རང་རྒྱུད་དུ་བསྒོམས
iiif viewer powered by OpenSeadragon
