| e-texts navigator |
| Wylie |
15b1 དེ་དག་ལས།། ཡོན་ཡང་དེ་ལྟ་དེ་ལྟར་དབུལ།། དབང་མཆོག་ཐོབ་པའི་བུ་མཆོག་ལ།། དབང་ཐོབ་རྟགས་དག་ངེས་པར་སྦྱིན།། དང་པོར་སེམས་ཀྱི་གཏན་ཚིགས་སྦྱིན།། གཉིས་པར་ཕྱག་རྒྱ་སྒོམ་པ་གཏད།། གསུམ
15b2 པར་གསང་བའི་ངེས་དོན་བཤད།། བཞི་པར་ཆོས་ཀྱི་གླེགས་བམ་གཏད།། ལྔ་པར་ལས་བཞིའི་རྒྱ་རྟགས་སྦྱིན།། དྲུག་པར་རིན་ཆེན་སྣ་བདུན་ནམ།། རྫས་ཀྱི་ཁྱད་པར་ཅན་དག་གམ།། ཡང་ན་སྣ་ཚོགས་ཚང་བར
15b3 སྦྱིན།། དབང་མཆོག་ཐོབ་པའི་སྔ་ལྟས་ཀྱི།། རྨི་ལམ་དག་ཀྱང་འབྱུང་བར་ངེས།། རང་གི་སེམས་ལ་དབང་ཐོབ་དང་།། སྣ་ཚོགས་འཕྲུལ་པ་ལྟ་བུ་དང་།། འགྲོ་གང་དབང་དུ་འདུས་པ་དང་།། རྫུ་འཕྲུལ་དག་གིས་འགྲོ
15b4 བ་དང་།། ས་ལ་མི་ཐོགས་ཆུར་མི་བྱིང་།། ནམ་མཁའ་དག་ལ་བྱ་བཞིན་འཕུར།། སེམས་ཅན་མང་པོ་བསྒྲལ་བ་དང་།། གཡུལ་ངོ་དག་ལས་རྒྱལ་བ་དག། མཐོང་ན་རྡོ་རྗེ་འཛིན་པ་ཡི།། དབང་ཐོབ་སྔ་ལྟས་ཡིན་པར
15b5 ངེས།། ལུས་ཀྱི་རྫུ་འཕྲུལ་ཐོབ་པ་དང་།། འཁོར་ལོ་ལག་ཏུ་བབས་པ་དང་།། ས་བདག་རྒྱལ་པོར་གྱུར་པ་དང་།། རྡོ་རྗེ་བླ་མར་བྱེད་པ་དང་།། འགྲོ་བ་གཞན་ལ་ཆོས་སྟོན་དང་།། རྣལ་འབྱོར་ཚོགས་ཀྱི་བླ་མ
15b6 དང་།། ཀུན་གྱི་ཁ་དཔོན་བྱེད་པ་ལ།། སྩོགས་པའི་རྨི་ལམ་མཐོང་བ་ནི།། འཁོར་ལོ་ཅན་གྱི་དབང་ཐོབ་ལྟས།། རིན་ཆེན་སྣ་ཚོགས་སྤྱོད་པ་དང་།། ཁ་ཟས་སྣ་ཚོགས་ཟ་བ་དང་།། རྒྱན་དང་བགོ་བ་ཁྱད་པར་དང་།། དེ
iiif viewer powered by OpenSeadragon
