| e-texts navigator |
| Wylie |
157a1 བཀའ་ཐམས་ཅད་བསྲུངས་ཤིང་དེ་ལས་འདའ་བར་མི་བགྱིད་དོ།། བདག་ཅག་རྣམས་ཀྱིས་དབང་སྐུར་རྒྱལ་པོའི་རྒྱུད་འདི་གང་ཟག་སྐལ་བར་ལྡན་པ་གཅིག་ལས་མ་གཏོགས་པ།། གང་ལ་ཡང་བསྟན
157a2 ཅིང་སྤེལ་བར་མི་བགྱིད་དོ།། གལ་ཏེ་བདག་ཅག་གིས་དམ་ཟོས་ཤིང་ཀུན་ལ་བསྟན་ན། བདག་ཅག་རྣམས་ཀྱི་མགོ་ལུས་གས་ཤིང་འཚིག་པར་ཤོག་ཅིག་ཅེས་དམ་དུ་བཅས་སོ།། དེ་ནས་འཇིག་རྟེན་གྱི་མཁའ་འགྲོ
157a3 དང་། དབང་ཕྱུག་མ་ལ་སོགས་པ་གསུང་ཐོས་པ་ཙམ་གྱི་འཁོར་རྣམས་ཀྱིས་ཀྱང་རྒྱུད་ཀྱི་རྒྱལ་པོ་འདི་འཆད་ཅིང་སྟོན་པ་དང་ནོད་ཅིང་བསྒྲུབ་པ་ལྟ་ཨ་ཅང་ཡང་ཆེས། མིང་ཙམ་འཛིན་པའི་རྣལ་འབྱོར་པ་སུ་ཡོད་པ་ལ
157a4 ཡང་། བཅོམ་ལྡན་འདས་དཔལ་ཆེན་པོ་བཞིན་དུ་བཀའ་ཉན་ཅིང་དེའི་འཚལ་བ་བདག་གིས་བསྒྲུབ་པ་བསྒྲུབ་པར་བགྱིའོ།། གང་ཞིག་འདི་དང་མི་ལྡན་ཞིང་སྣོད་དུ་མ་གྱུར་པ་རྣམས་ལ། མིང་ཙམ་བསྟན་པར་མི་བྱ
157a5 ཞིང་། བཀའ་དང་འགལ་བ་རྣམས། ཤིན་ཏུ་རྩཝ་ཕུང་ལ་མེ་མཆེད་པ་བཞིན་དུ། ལུས་ངག་ཡིད་གསུམ་ཐལ་བ་བཞིན་དུ་བརླག་པར་བགྱིའོ།། ཅི་སྟེ་བདག་གིས་དེ་བཞིན་དུ་མ་བགྱིས་ན།། བདག་ཅག་རྣམས་ཀྱིས་མགོ
157a6 ལུས་འཚིག་པར་དམ་དུ་བཅའ་འོ།། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔས་འཁོར་ཐམས་ཅད་ཡོངས་སུ་བསྡུ་བར་མཛད་ནས། རྒྱུད་ཀྱི་དོན་འདི་དག་ཀྱང་ཡོངས་སུ་གནང་བས་འདི་གསུངས
iiif viewer powered by OpenSeadragon
