| e-texts navigator |
| Wylie |
156b1 བའི།། བདག་གི་དམ་པ་བླ་ན་མེད།། དབང་སྐུར་རྒྱལ་པོའི་རྒྱུད་ཆེན་འདི།། རྡོ་རྗེ་སེམས་དཔའ་ཁྱོད་ཀྱིས་ཟུང་།། ལུས་དང་ངག་དང་སེམས་ལ་ཆོངས།། དབང་རྣམས་ཀུན་གྱི་བྱེད་པོ་པར།། རྡོ་རྗེ་སེམས་དཔའ་ཉིད
156b2 དུ་ཤོག། ཅེས་བཀའ་སྩལ་པ་དང་།། དེ་ནས་རྡོ་རྗེ་སེམས་དཔས་སྟོན་པ་ཀུན་ཏུ་བཟང་པོ་ལ། དབང་བསྐུར་གནང་བ་དེ་ཐོབ་ནས། ཨ་ལ་ལ་ཧོ་ཞེས་བརྗོད་ནས། ཞབས་སྤྱི་གཙུག་གིས་བླངས་ནས། སྟོན་པ་ཀུན་ཏུ
156b3 བཟང་པོའི་སྤྱན་སྔར་རྒྱུད་ཡོངས་སུ་གཟུང་བ་དམ་པ་འདི་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྤྱི་དབང་བསྐུར་བའི་རྒྱུད་ཀྱི་རྒྱལ་པོའི་རྒྱུད་འདི་ཡང་། སྣོད་དང་སྐལ་བར་ལྡན་པའི་གང་ཟག་གཅིག
156b4 ལས་མ་གཏོགས་པ། ཀུན་དང་ཀུན་ལ་བཤད་པར་མི་བགྱིའོ།། འདི་ལ་དབང་ཟོས་ཤིང་ཀུན་ལ་བསྟན་ན་རྡོ་རྗེ་སེམས་དཔའ་བདག་གི་མགོ་ལུས་ཀྱང་ཚིག་པར་ཤོག་ཅིག་ཅེས་དམ་དུ་བཅས་སོ།། དེ་ནས་འཁོར
156b5 སེམས་དཔའ་དང་སེམས་མ་ལ་སོགས་པས་ཀྱང་སྟོན་པ་ཀུན་ཏུ་བཟང་པོ་ལ་འདི་སྐད་ཅེས་གསོལ་ཏོ།། བདག་ཅག་སེམས་དཔའ་དང་སེམས་མ་ལ་སོགས་པའི་འཁོར་རྣམས་ཀྱིས་ཀྱང་རྒྱུད་ཀྱི་རྒྱལ་པོ་དབང་སྐུར
156b6 བའི་རྒྱུད་ཀྱི་བཀའ་ལས་འགལ་བར་མི་བགྱིད་དོ།། འདིའི་གཞུང་ཡང་རྣལ་འབྱོར་པས་བསྒོམས་ཤིང་བསྒྲུབས་ནའང་།། ནོད་ཅིང་ཚུལ་བཞིན་བགྱིད་ན་ཡང་། བདག་ཅག་གིས་སྟོན་པ་ཀུན་ཏུ་བཟང་པོ་ཉིད་བཞིན་དུ
iiif viewer powered by OpenSeadragon
