| e-texts navigator |
| Wylie |
156a1 སོར་གསལ་བའི་གོ་ཕྱེ་ནས།། རྣལ་འབྱོར་ཡོངས་ལ་ཐེག་པ་འདི་སྟོན་པ།། འདྲེན་པའི་ལྷ་ཁྱོད་ལ་ནི་ཕྱག་འཚལ་བསྟོད།། ཅེས་མགྲིན་གཅིག་ཏུ་བསྟོད་དོ།། དེ་བཞིན་གཤེགས་པ་ཐམས་ཅད་ཀྱི་སྤྱི
156a2 དབང་སྐུར་བ་རྒྱུད་ཀྱི་རྒྱལ་པོའི་རྒྱུད་ལས། མཆོད་པ་བསྟོད་པའི་ལེའུ་སྟེ་དགུ་པའོ།། །། དེ་ནས་སྟོན་པ་ཀུན་ཏུ་བཟང་པོས། རྡོ་རྗེ་སེམས་དཔའ་ལ་སོགས་པའི་འཁོར་གྱི་ལྷ་རྣམས་ལ། ཤིན་ཏུ་དགའ་བ་བསྐྱེད
156a3 པའི་ཕྱིར་འདི་དག་གསུངས་སོ།། རྡོ་རྗེ་སེམས་དཔའ་སེམས་དཔའ་ཆེ།། རྡོ་རྗེ་ཞགས་པ་དགའ་བ་ཆེ།། རྡོ་རྗེ་སེམས་དཔའ་དགྱེས་པ་ཆེ།། རྡོ་རྗེ་ལུས་ཏེ་རྡོ་རྗེ་གསུང་།། རྡོ་རྗེ་ཐུགས་ཏེ་རྡོ་རྗེ་བློ།། རྡོ་རྗེ་ཤེས་རབ་བླ་ན
156a4 མེད།། རྡོ་རྗེ་མ་ལུས་ཀུན་གྱིས་ཤིག། ཨོཾ་རྡོ་རྗེ་གོ་ཆ་བརྟན་པ་ཆེ།། ཐུབ་པ་དཀའ་བ་བརྩོན་འགྲུས་མཆོག། ང་ནི་རྡོ་རྗེ་ཐབས་ཆེན་དེ།། རྡོ་རྗེ་ཐབས་ཀྱིས་གཙོ་བོར་ཤོག། སངས་རྒྱས་བྱང་ཆུབ་བླ་ན་མེད།། བླ་མེད
156a5 རྣམས་ཀྱི་ཡིད་བཞིན་ཏེ།། ཐམས་ཅད་མ་ལུས་རྫོགས་སངས་རྒྱས།། རབ་འབྱམས་འབར་བའི་དོན་རྟོགས་ཤོག། ཅེས་འཁོར་རྣམས་ལ་དགའ་བ་བསྐྱེད་ནས། ཐམས་ཅད་མ་ལུས་པར་འདུས་པའི་དབང་གི་རྒྱལ་པོ
156a6 དབང་བསྐུར་བའི་རྒྱུད་འདི་ཡོངས་སུ་གཟུང་བའི་ཕྱིར།། རྡོ་རྗེ་སེམས་དཔའ་ལ་རྒྱུད་འདི་ཡོངས་སུ་གཟུང་བ་འདི་བཀའ་སྩལ་ཏོ།། ཕྱོགས་བཅུའི་སངས་རྒྱས་ཐམས་ཅད་ཀྱིས།། བདག་ལ་རབ་ཏུ་དབང་བསྐུར
iiif viewer powered by OpenSeadragon
