| e-texts navigator |
| Wylie |
155a1 མ་དང་།། ཁྲོ་བོ་དང་ཁྲོ་མོ་དང་། ཐུབ་པ་ལ་སོགས་པས། དབང་སྐུར་རྒྱལ་པོའི་དབང་གི་དངོས་གྲུབ་ཐོབ་པས། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ལ། སེམས་ཀྱི་དབང་དུ་མ་གྱུར
155a2 པར་གང་ཡང་མེད་དེ། ཐམས་ཅད་མ་སྐྱེས་པ་ཆོས་ཀྱི་དབྱིངས་ཀྱི་དབང་ལ་ཅི་ལྟར་སྣང་བར་ལོངས་སྤྱོད་པར་གྱུར་ཏོ།། དེ་ནས་རྡོ་རྗེ་སེམས་དཔའ་ལ་སོགས་པའི་ལྷ་མོ་རྣམས་ཀྱིས། རང་རང་གི་ལུས་རྡུལ་སྙེད་དུ
155a3 སྤྲུལ་ནས། བླ་ན་ཡོད་པ་དང་། བླ་ན་མེད་པའི་མཆོད་པ་ལ་སོགས་པས། ས་གཞི་ལ་རྩི་ཤིང་འཁྲུངས་པ་ལྟར་བསྐྱེད་དེ། བར་སྣང་ལ་སྤྲིན་ཕུང་བཞིན་དུ་གཏིབས།། ནམ་མཁའ་ལ་ཆར་བཞིན་ཕབ་ནས། ཕྱི་ནང
155a4 གསང་བའི་མཆོད་པ་ཕུལ་ཏེ། ཚིགས་སུ་བཅད་པ་འདི་དག་གིས་བསྟོད་དོ།། ཀྱེ་ཀྱེ་འདྲེན་པ་བཅོམ་ལྡན་འདས།། ཀྱེ་ཀྱེ་མཛད་པ་བཅོམ་ལྡན་འདས།། ཀྱེ་ཀྱེ་གྲུབ་པ་བཅོམ་ལྡན་འདས།། སངས་རྒྱས་མཛད་པ་ཁྱད
155a5 པར་ཆེའོ།། མི་གནས་མི་དམིགས་རང་བཞིན་དཀྱིལ་འཁོར་ནས།། སངས་རྒྱས་ཁྱོད་ཀྱི་སྐུ་མཆོག་ཅི་འདྲ་བ།། ནམ་མཁའི་དབྱིངས་ལས་ཅིར་ཡང་སྣང་བའི་སྐུ།། དབྱིངས་དང་ཡེ་ཤེས་གཉིས་མེད་ཆོས་ཀྱི་སྐུ།། དུས
155a6 གསུམ་འདུས་མ་བྱས་པ་ཐབས་ཀྱི་སྐུ།། སྐུ་མཆོག་ཀུན་བཟང་སྐུ་ལ་ཕྱག་འཚལ་བསྟོད།། སངས་རྒྱས་ཁྱོད་ཀྱི་གསུང་ནི་ཅི་འདྲ་བ།། སྒྲར་སྣང་བརྗོད་མེད་དོན་ལས་མ་གཡོས་ཀྱང་།། ཐུགས་རྗེས་འདུལ་ཕྱིར་གསུང
iiif viewer powered by OpenSeadragon
