| e-texts navigator |
| Wylie |
154b1 ནོས།། རང་ལ་རང་རྫུན་མ་བསླུ་བར།། སངས་རྒྱས་བཀའ་འདི་གཞུང་བཞིན་གྱིས།། མན་ངག་ཐམས་ཅད་བདག་ལ་ཡོད།། བཀའ་བཞིན་གཞུང་བཞིན་མ་བྱས་ན།། ལྗོན་ཤིང་མེ་ཡིས་ཚིག་པ་བཞིན།། ཡན་ལག
154b2 མེད་ཅིང་བརླག་ཏ་རེ།། ཀུན་ཏུ་བཟང་པོའི་ལུང་ལ་ཉོན།། དབང་སྐུར་རྒྱལ་པོའི་རྒྱུད་ལས། དབང་མ་བསྐུར་བའི་སྐྱོན་གྱི་ལེའུ་སྟེ་བདུན་པའོ།། །། དེ་ནས་སྟོན་པ་ཀུན་ཏུ་བཟང་པོས།། དེ་དག་ཡོད་པར་བྱ་བའི
154b3 ཕྱིར།། དམ་ཚིག་ངེས་པ་འདི་གསུངས་སོ།། བླ་མ་ཡི་ནི་བཀའ་བཞིན་བྱ།། སྔགས་དང་ཕྱག་རྒྱ་ལག་ཏུ་བཟུང་།། གསང་བའི་མན་ངག་ལེགས་པར་སྦ།། རྡོ་རྗེའི་མཆེད་ལྕམ་འགལ་མི་བྱ།། རྣལ་འབྱོར་དམན་དང་མེ
154b4 འབྲེལ་ཞིང་།། རྫས་དང་ཡོ་བྱད་ཚང་བར་བྱས།། དཔྱང་ཟག་ཆད་པའི་སེམས་ཅན་རྣམས།། ཐུགས་རྗེའི་ཐབས་ཀྱིས་བསྒྲལ་བར་བྱ།། མཚན་དང་ལྡན་པའི་མི་མོ་ལ།། སྦྱོར་བ་དག་ཀྱང་རབ་བརྩམ་པ།། སེར་སྣས
154b5 བཅིངས་པ་གང་ཡོད་པ།། མ་བྱིན་བླངས་ནས་རྐྱེན་དུ་སྤྱད།། ཡང་དག་དོན་དུ་མི་འདུལ་བ།། རྫུན་དང་སྒྲ་དང་མི་ཚངས་སྤྱོད།། རྡོ་རྗེ་ལུ་གུ་རྒྱུད་ཀྱི་དམ།། ཡང་ནས་ཡང་དུ་བསྡུ་བར་བྱ།། དབང་བསྐུར་རྒྱལ་པོའི་རྒྱུད
154b6 ལས། དམ་ཚིག་གི་ལེའུ་སྟེ་བརྒྱད་པའོ།། །། བཅོམ་ལྡན་འདས་ཀུན་ཏུ་བཟང་པོས། དབང་སྐུར་རྒྱལ་པོའི་རྒྱུད་བཤད་པས། རྡོ་རྗེ་སེམས་དཔའ་ལ་སོགས་པ་རིགས་ལྔ་ཡབ་ཡུམ་དང་།། སེམས་དཔའ་དང་སེམས
iiif viewer powered by OpenSeadragon
