| e-texts navigator |
| Wylie |
153b1 ཏན་གྱིས།། དམྱལ་བར་ནམས་ཀྱང་མི་ལྟུང་སྟེ།། ངན་སོང་གསུམ་པོ་ཀུན་སྤངས་ནས།། བླ་མེད་འབྲས་བུ་འགྲུབ་པར་འགྱུར།། ཚེ་ཟད་འཆི་བར་ངེས་ན་ཡང་།། དབང་འདི་རབ་ཏུ་བསྐུར་ནས་ནི།། ཚེ་ཟད་འཆི་བར
153b2 ངེས་པ་ཡང་།། ཚེ་ཚད་དཔག་མེད་ཐོབ་པར་འགྱུར།། གཞན་ཡང་ཚེ་འདིའི་ཡོན་ཏན་ཡང་།། བརྗོད་ཀྱིས་མི་ལང་འཐོབ་པར་འགྱུར།། འཇིག་རྟེན་འདས་པའི་ཡོན་ཏན་ནི།། རིག་འཛིན་རྣམ་གསུམ་ཡན་ཆད
153b3 ནས།། ཀུན་ཏུ་བཟང་པོའི་དགོངས་པ་ཀུན།། སངས་རྒྱས་ཡོན་ཏན་ཐམས་ཅད་ཀུན།། སེམས་ཀྱིས་བསམས་བཞིན་ལྷུན་གྱིས་གྲུབ།། ཆོས་ཀྱི་དབྱིངས་སུ་སངས་རྒྱས་ཏེ།། འབྲས་བུ་རྫོགས་པའི་ངང་ལ
153b4 གནས།། གཞན་ཡང་དབང་གི་རིམ་པ་ནི།། ཚིག་ཏུ་བརྗོད་ཀྱིས་མི་ལངས་སོ།། དོན་ལ་ཡིད་བཞིན་ནོར་བུ་འདྲ།། དབང་བསྐུར་རྒྱལ་པོའི་རྒྱུད་ལས། དབང་གི་ཡོན་ཏན་གྱི་ལེའུ་སྟེ་དྲུག་པའོ།། །། དེ་ནས་ཡང
153b5 སྟོན་པ་ཀུན་ཏུ་བཟང་པོས། དབང་མ་བསྐུར་བའི་སྐྱོན་འདི་དག་ཀྱང་གསུངས་སོ།། དབང་མ་བསྐུར་བའི་སྐྱོན་རྣམས་ནི།། ངེས་པ་ཉིད་དུ་ཤེས་པར་གྱིས།། དབང་བསྐུར་གནང་བ་མ་ཐོབ་པར།། གང་ཞིག་སྔགས་ལ
153b6 འཇུག་བྱེད་ཅིང་།། ཉན་ཅིང་སྒྲུབ་པར་བྱེད་པ་རྣམས།། འབྲས་བུ་མེད་ཅིང་བརླག་པར་འགྱུར།། སློབ་དཔོན་མཉེས་པར་མ་བྱས་ན།། དབང་ཐོབ་ན་ཡང་མི་ཕན་ནོ།། དབང་མ་ཐོབ་པར་བརྩམ་པ་དང་།། ཉམས་མ
iiif viewer powered by OpenSeadragon
