| e-texts navigator |
| Wylie |
152b1 བྱང་ཆུབ་ཆེ་བའི་ངང་།། གཉིས་མེད་རོལ་པས་ཆགས་པའི་བྱང་ཆུབ་སྟེ།། ཐར་པའི་ལམ་མཆོག་གནས་འདྲེན་ཅིང་།། འཁོར་བའི་འཁོར་ལས་ཀུན་རྒྱལ་དབང་འཐོབ་སྟེ།། ཡེ་ཤེས་བྱང་ཆུབ་སེམས་ཀྱི་དབང་ཐོབ
152b2 ཤོག། ཨོཾ་བོ་དྷི་ཙིཏྟ་ཀ་མ་ལ་ཙིཏྟ་ཧཱུཾ།། དེ་ནས་དབང་མ་ལུས་འགྲོ་བ་ཡོངས་ཀྱི་རེ་བ་སྐོང་བར་བསྐུར་བ་ནི།། ཧཱུཾ་སྟོན་པའི་སྒྲོན་མ་མ་ལུས་ཁ་ལོ་འདྲེན།། ཤེས་བྱའི་མཐར་རྫོགས་ཡོན་ཏན་ལྷུན་གྱིས་གྲུབ།། སྡུག
152b3 བསྔལ་སྐྱབས་མཛད་མ་རིག་འདྲེན་མཛད་ཅིང་།། ཆོས་ཉིད་དོན་སྟོན་ཁ་ལོ་སྒྱུར་བྱེད་པ།། སངས་རྒྱས་གདུང་འཚོ་བ་རྡོ་རྗེ་སློབ་དཔོན་མཆོག། གང་ཡིན་མངོན་དུ་གྱུར་པ་གྲུབ་པའི་དབང་།། དབང་མཆོག་མ་ལུས
152b4 ཁྱོད་ཀྱིས་འཐོབ་པར་ཤོག། ཨོཾ་སརྦ་ཏ་ཐཱ་ག་ཏ་མ་ཧཱ་གྷུ་ཧྱེ། རྒྱུད་ཐམས་ཅད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྤྱི་དབང་བསྐུར་བའི་རྒྱུད་ལས།། དབང་ཡོངས་རྫོགས་བསྐུར་བར་བྱ་བའི་ཕྲིན་ལས་ཀྱི
152b5 ལེའུ་སྟེ་བཞི་པའོ།། །། དེ་ནས་ཡང་རྡོ་རྗེ་སེམས་དཔའ་ལ་སོགས་པ་རིགས་ལྔའི་སངས་རྒྱས་ཀྱིས་གསོལ་པ། དབང་གི་དཀྱིལ་འཁོར་གྱི་གསུང་གི་དཀྱིལ་འཁོར་བསྟན་དུ་གསོལ། དེ་ནས་བཅོམ་ལྡན་འདས་ཀྱི
152b6 གསུང་གི་དཀྱིལ་འཁོར་དབྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས་འཁོར་རྣམས་ལ་བཀའ་སྩལ་པ། གསུང་གི་དཀྱིལ་འཁོར་གྱི་དོན་ཡིད་ལ་ཟུང་ཞིག། ཨཱཀྵ། ཥ་ཐ་ཊ་ཏ་ཌ་ད། བྷ་དྷ་ཎ་ན། ཀ་ཁ་ག་གྷ། ཙ
iiif viewer powered by OpenSeadragon
