| e-texts navigator |
| Wylie |
151b1 ཤིང་།། མཚན་མ་འཛིན་རྟོག་མེད་པའི་དབང་འཐོབ་ཤོག། ཨོཾ་ཛ་ལ་བཛྲ་རཾ་ཧཱུཾ།། དེ་ནས་ཁ་ཊྭཱཾ་ལ་སོགས་པ་ཁྲོ་བོའི་ཕྱག་མཚན་སྣ་ཚོགས་པས་དབང་བསྐུར་བ་འདི་སྐད་དོ།། ཧཱུཾ་བདུད་དཔུང་འཇོམས་པའི་རྟགས་ཀྱི
151b2 ཕྱག་རྒྱ་སྟེ།། གདུག་པ་འདུལ་ཕྱིར་ཕྱག་མཚན་སྣ་ཚོགས་བསྣམས།། རྡོ་རྗེ་ཁ་ཊྭཱཾ་རྔེའུ་ཆུང་བེ་ཅོན་དང་།། རལ་གྲི་དགྲ་སྟ་ཁྲ་དང་གཤོལ་ལ་སོགས།། གདུག་པའི་ཕྱག་མཚན་མཚོན་ཆ་སྣ་ཚོགས་ཀྱིས།། དཔའ་བོ
151b3 བདུད་ལས་ཀུན་ཏུ་རྒྱལ་བ་དང་།། ཚམ་རྔམས་སྟབས་ཀྱིས་དྲེགས་པ་འདུལ་བ་ཡི།། ཉོན་མོངས་ཚར་གཅོད་སྡང་བ་འདུལ་བ་དང་།། ཁམས་གསུམ་དྲེགས་པ་ཀུན་ལས་རྒྱལ་བ་ཡི།། དབང་མཆོག་དམ་པ་དེ་ཡང
151b4 འཐོབ་པར་ཤོག། ཨོཾ་བཛྲ་ཙཀྲ་ཤིག་རི་དུམ་བུ་སྥོ་ཏ་ཡ་ཚལ་པ་ཧཱུཾ།། དེ་ནས་ལོངས་སྤྱོད་རྫས་ཀྱིས་དབང་བསྐུར་བ་འདི་སྐད་དོ།། ཧཱུཾ་དམ་རྫས་དག་པ་ལྔ་དང་ཞལ་ཟས་ལྔ།། སྐུ་ལྔ་འཁོར་ལྔ་གསུང་ལྔ་དབྱེར་མེད
151b5 པའི།། འདོད་པའི་ཡོན་ཏན་བཟའ་དང་བཅའ་བ་དང་།། བཏུང་ལ་སོགས་པའི་ལོངས་སྤྱོད་སྣ་ཚོགས་པའི།། དབང་མཆོག་དམ་པ་འདི་ཡིས་དབང་བསྐུར་བས།། བདེ་བ་ཆེན་པོའི་རྒྱན་གྱི་ལོངས་སྤྱོད་རྫས།། གང
151b6 ཡང་མ་སྤངས་ཐམས་ཅད་ལྷུན་གྲུབ་པའི།། དབང་མཆོག་དམ་པ་དེ་ཡང་འཐོབ་པར་ཤོག། ཨོཾ་བཛྲ་ནིརྨ་ཙ་ལ་ཧཱུཾ།། དེ་ནས་ལོངས་སྤྱོད་ལ་རོལ་པའི་དབང་བསྐུར་བ་འདི་སྐད་དོ།། ཧཱུཾ་ཡིད་བཞིན་བདེ་མཆོག་སྐུ
iiif viewer powered by OpenSeadragon
