| e-texts navigator |
| Wylie |
150b1 ཆེ།། སྦྲུལ་ནག་སྟོང་གིས་བརྒྱན་པའི་རྔོམ་བརྗིད་ཅན།། སྐུ་ལ་མཆོད་ཕྱིར་སྐུ་ཡི་གནས་ལྔར་འཁྲིལ།། དུག་ལྔ་མ་སྤངས་དབང་གི་ཐབས་སུ་སྟོན།། མཉེན་ལྕུག་འཁྲིལ་ལྡེམ་ཞེ་སྡང་དྲག་པོས་འཇོམས།། རྫུ
150b2 འཕྲུལ་ཤུགས་ཀྱིས་ཀླུ་རྒྱལ་དབང་དུ་སྡུད།། གཏི་མུག་རྣམ་འདུལ་དབང་ཕྱུག་ཡིན་པའི་ཕྱིར།། སྦྲུལ་ནག་སྟོང་གི་ཆུན་པོས་དབང་བསྐུར་བས།། ཞེ་སྡང་དྲག་པོ་འབར་བའི་གནས་དག་ནས།། ཐབས་མཁས་རྒྱལ་པོ
150b3 མཉེས་པའི་དབང་འཐོབ་ཤོག། ཨོཾ་བཛྲ་ནཱ་ག་རཱ་ཙ་ཧ་ཧ་རུ་ལུ་ཧཱུཾ་ཕཊ།། རྡོ་རྗེའི་གཤོག་པས་དབང་བསྐུར་བ་འདི་སྐད་དོ།། ཧཱུཾ་ཁམས་གསུམ་ཡོངས་ལ་ཁྱབ་པའི་གཤོག་པ་འདི།། ཀུན་ལ་ཁྱབ་པས་ཐུགས་རྗེ་འབྱུང
150b4 བའི་ཡུམ།། མ་ལྟར་བྱམས་པས་ཡོངས་ལ་སྐྱོབ་པའི་ཚུལ།། ཐུགས་རྗེ་ཐབས་མཁས་རྒྱ་ཆེ་རོལ་པ་ཡི།། ཕྱོགས་བཅུར་ཁྱབ་པའི་གཤོག་པས་དབང་བསྐུར་བས།། ཕྱོགས་བཅུར་ཁྱབ་པའི་ཆོས་ལ་དབང་བསྒྱུར
150b5 བའི།། རྡོ་རྗེའི་དབང་མཆོག་དམ་པ་འཐོབ་པར་ཤོག། ཨོཾ་ཛ་ལི་ནི་བཛྲ་སུམ་བྷ་ནི་ཧཱུཾ། དེ་ནས་ཞིང་གི་གཡང་གཞིས་དབང་བསྐུར་བ་འདི་སྐད་དོ།། ཧཱུཾ་ཁམས་གསུམ་རྟགས་སུ་གསོལ་བའི་དུར་ཁྲོད་བདག། གཡང
150b6 གཞི་ཚེའུ་སྡུག་སྐུད་པ་སྐུ་ལ་བཅིངས།། འཁོར་བ་མ་སྤངས་གནས་སུ་དག་པ་ཡི།། དུར་ཁྲོད་ཚོགས་ཀྱི་བདག་པོ་ཡིན་པའི་ཕྱིར།། ཞིང་ཆེན་གཡང་གཞིས་ཁྱོད་ལ་དབང་བསྐུར་བས།། ཞིང་ཆེན་རློན་པ་ཐབས་ལ
iiif viewer powered by OpenSeadragon
