| e-texts navigator |
| Wylie |
150a1 ཡི།། ཁྲག་གི་ཐིག་ལེས་དབང་བསྐུར་བས།། གཏུམ་ཁྲོ་དྲག་པོ་འཇོམས་པ་དང་།། ང་རྒྱལ་དྲག་པོ་འཇོམས་མཛད་པའི།། དབང་མཆོག་དམ་པ་འཐོབ་པར་ཤོག། ཨོཾ་མ་ཧཱ་རཀྟ་ན་ཏི་ལ་ཀ་ཧཱུཾ། དེ
150a2 ནས་ཐལ་ཆེན་གྱིས་མཚན་མ་བྱས་ལ་འདི་སྐད་དོ།། ཧཱུཾ་ཧེ་རུ་ཀ་ཡི་གནས་བཅུ་དང་།། དུར་ཁྲོད་ཆེན་པོའི་གནས་བརྒྱད་དང་།། དཔལ་ཆེན་ཁྲག་འཐུང་འཁོར་དང་བཅས།། ཞིང་ཆེན་གསར་རྙིང་ཏི་རར
150a3 བཅས།། དམར་གྱི་ཨརྒྷ་རྒྱ་མཚོར་བསྐྱིལ།། ཐལ་བའི་མཚན་མས་བརྒྱན་པ་འདི།། གདུག་པ་མ་ལུས་རབ་འདུལ་བ།། ཆེ་བའི་བདག་པོ་ཀུན་གྱི་བདག། ཐམས་ཅད་ཀུན་ཏུ་དཔའ་བའི་བདག། གདུག་པ་ཟིལ
150a4 གནོན་ཐལ་བའི་མཚན།། དབང་མཆོག་འདི་ཡི་དབང་བསྐུར་བས།། ཁམས་གསུམ་གདུག་པ་ཐལ་བར་རློག། དེ་འདྲའི་དབང་མཆོག་འཐོབ་པར་ཤོག། ཨོཾ་བ་ཏ་བ་ཡ་ཧཱུཾ། དེ་ནས་ཐོད་པ་སྐམ་རློན་གྱི་ཕྲེང་བ་ཐོགས
150a5 ལ་དབང་བསྐུར་བ་འདི་སྐད་དོ།། ཧཱུཾ་དུར་ཁྲོད་ཁོང་སེང་དབང་པོ་ལྔ་དང་ལྡན།། སྐུ་གསུམ་ཚུལ་འཆང་སྐམ་རློན་ར་རིས་ཚུལ།། འཁོར་བ་གནས་སུ་སྡུད་པའི་ཐབས་ཀྱི་ཕྲེང་བའི་རྒྱན།། ཁམས་གསུམ་ཐོགས་མེད་ཕྲེང
150a6 བས་དབང་བསྐུར་བས།། སྐུ་གསུང་ཐུགས་ཀྱི་དབང་མཆོག་འཐོབ་པར་ཤོག། ཨོཾ་པདྨ་བྷནྡྷ་ཀ་པཱ་ལ་ཧ་སྟ་ཧཱུཾ། དེ་ནས་སྦྲུལ་གྱི་ཆུན་པོས་དབང་བསྐུར་བ་འདི་སྐད་དོ།། ཧཱུཾ་ཐོད་སྦྲུལ་མཉེན་ལྕུག་འཇིགས་བྱེད་རྒྱན་དུ
iiif viewer powered by OpenSeadragon
