| e-texts navigator |
| Wylie |
14a1 ལ།། དབུས་སུ་ཆོས་ཀྱི་སེམས་དཔའ་སྟེ།། རྡོ་རྗེ་འཛིན་པ་ནུབ་ཕྱོགས་སུའོ།། གཞན་རྣམས་ཀྱང་ནི་དེ་བཞིན་ནོ།། སྣ་ཚོགས་ལས་ཀྱི་དཀྱིལ་འཁོར་ནི།། ལས་བཞིའི་དབྱིབས་དང་ལྡན་པ
14a2 ལས།། དབུས་སུ་ལས་ཀྱི་སེམས་དཔའ་སྟེ།། རྡོ་རྗེ་འཛིན་པ་བྱང་ཕྱོགས་སུའོ།། བཙུན་མོ་དག་དང་ལྡན་པ་བྲི།། གཞན་རྣམས་ཀྱང་ནི་དེ་བཞིན་ནོ།། སངས་རྒྱས་ཀུན་གྱི་དཀྱིལ་འཁོར་ནི།། རྡོ་རྗེ་ཅན་དང་འདྲ་བ
14a3 སྟེ།། དབུས་སུ་སྔགས་ཀྱི་བདག་པོ་ནི།། གཙོ་གཟུངས་ཟུང་དུ་འབྲེལ་བར་བྲི།། མི་བསྐྱོད་ཡབ་ཡུམ་ཐུགས་ལ་གནས།། གཞན་ཡང་དེ་བཞིན་རྒྱས་པར་བྲི།། དཀྱིལ་འཁོར་ཉམས་དགའ་དེ་དག་ལ།། བུམ་པ་བརྒྱད
14a4 དམ་བརྒྱད་གཉིས་སམ།། ཅི་འབྱོར་བཏུང་བ་སྣུམ་པོའམ།། བདུད་རྩི་ལྔའམ་རིན་ཆེན་བཅས།། ཟླ་བ་ཉི་མའི་དྲི་ཆུ་ཡིས།། གང་བའི་རིན་ཆེན་བུམ་པ་ནི།། དང་པོ་གསེར་གྱི་བུམ་པར་བཤད།། གཉིས་པ་ཤེལ་དང
14a5 དངུལ་གྱི་སྟེ།། གསུམ་པ་བཻ་ཌཱུཪྻ་ཡིའོ།། བཞི་པ་ཟངས་ཀྱི་བུམ་པར་བཤད།། ལྔ་པ་ལྕགས་ཀྱི་བུམ་པར་བཤད།། དྲུག་པ་ལ་ནི་སྣ་ཚོགས་པའི།། བུམ་པ་གང་བ་གཞག་པར་བྱ།། གཞན་ཡང་རྒྱན་གྱི་ཁྱད་པར
14a6 དང་།། རོལ་མོ་ཡིད་འོང་ཅི་འབྱོར་དང་།། མཆོད་པའི་ཡོ་བྱད་ཐམས་ཅད་དང་།། གཏོར་མ་ལ་སོགས་མཛེས་པར་བཀྲམ།། དེ་ནས་རྣལ་འབྱོར་ཅན་གྱིས་ནི།། དབྱིངས་ནས་དཀྱིལ་འཁོར་སྤྱན་དྲང་མཆོད།། མཉེས
iiif viewer powered by OpenSeadragon
