| e-texts navigator |
| Wylie |
145a1 དང་ལྡན།། འཁོར་ལོ་རིན་ཆེན་གླང་ཆེན་རིན་ཆེན་བདུན།། འཛམ་བུ་གླིང་བཞི་ཡོངས་བསྐོར་བ།། ལྷ་ཡི་རྒྱལ་པོ་མན་ཆད་ནས།། རྒྱུད་དྲུག་སེམས་ཅན་ཐམས་ཅད་ལ།། ཡོངས་སུ་སྐྱོང་བའི་རྒྱལ་པོ
145a2 སྟེ། ཐམས་ཅད་མ་ལུས་འདྲེན་བྱེད་པ།། སེམས་ཅན་ཀུན་གྱི་དོན་བྱེད་ཅིང་།། མ་ལུས་ཡོངས་ལ་དབང་བསྒྱུར་བའི།། རྒྱལ་ཐེབས་གོ་འཕང་འཐོབ་པར་ཤོག། ཨོཾ་སརྦ་ཏ་ཐཱ་ག་ཏ་པ་རི་ཀུ་རུ་མ་ཧ་ཤྭ་ར་གྷཱ་ཧྱེ་ས་མ་ཡཱ
145a3 རཏྣ་ཙཀྲ་སྭ་བྷཱ་ཝ་ཨཱཏྨ་ཀོ&ཧཾ། དེ་ཡང་རིམ་པ་བཞིན་ནོ།། དེ་ནས་རྒྱལ་ཐབས་སྤྱི་བླུག་གི་དབང་བསྐུར་བ་འདི་སྐད་དོ།། ཧཱུཾ་ཐམས་ཅད་ལྷུན་སྡུག་ཀུན་ཏུ་བཟང་པོའི་རྫས།། རང་བཞིན་སྤྲོས་མེད་ཀུན་ཏུ་བཟང་མོའི
145a4 ང་།། གཉིས་མེད་ཐབས་ཀྱི་རྒྱལ་པོས་ཡོངས་ལ་ཁྱབ།། ཐབས་ཀྱི་རྒྱལ་པོས་ཡོངས་ལ་དབང་བསྐུར་ཏེ།། ཀུན་ཏུ་བཟང་པོ་རང་བྱུང་བཅོམ་ལྡན་འདས།། ཆོས་ཀྱི་དབྱིངས་ལ་གཅིག་ཏུ་བཞུགས་པ་ཡི།། རང་རིག
145a5 བྱང་ཆུབ་སེམས་ཀྱི་ལྷ་ཡིན་ཏེ།། དོན་དང་སེམས་ཀྱི་ལྷ་ལ་ཕྱག་འཚལ་ལོ།། ཀུན་ཏུ་བཟང་པོ་དྲི་མ་མེད་པ་ཡིས།། ཡོངས་ལ་དབང་བསྒྱུར་སེམས་ཀྱི་རྒྱལ་པོར་ཤར།། རང་སེམས་རྣམ་དག་རྟོགས་པའི་ཡེ་ཤེས
145a6 ཤར།། བྱང་ཆུབ་སྙིང་པོ་བདེ་བ་ཆེན་པོའི་ངང་།། ཐམས་ཅད་མ་ལུས་ལྷུན་གྲུབ་ཆོས་ཀྱི་སྐུ།། ཆོས་རྣམས་ཐམས་ཅད་རང་གི་སེམས་སུ་འདུས།། སེམས་ཀྱི་རང་བཞིན་ཅི་ཡང་མ་ཡིན་པའི།། ཐིག་ལེ་སྤྲོས་པ་མེད་པའི
iiif viewer powered by OpenSeadragon
