| e-texts navigator |
| Wylie |
144b1 ཡོན་ཏན་ལྷུན་གྱིས་གྲུབ།། སྡུག་བསྔལ་བསྐྱབ་མཛད་མ་རིག་འདྲེན་མཛད་ཅིང་།། ཆོས་ཉིད་དོན་སྟོན་ཁ་ལོ་སྒྱུར་བྱེད་པ།། སངས་རྒྱས་གདུང་འཚོ་བ་རྡོ་རྗེ་སློབ་དཔོན་མཆོག། གང་ཡིན་མངོན་དུ་གྱུར་པ་གྲུབ་པའི
144b2 དབང་།། དབང་མཆོག་མ་ལུས་ཁྱོད་ཀྱིས་འཐོབ་པར་ཤོག། ཨཽ་ཏ་ཐཱ་ག་ཏ་མ་ཧཱ་གྷུ་རུ་གྷུ་ཧྱེ་ཤྭ་ར་བཛྲ་སྭ་བྷ་ཝ་ཨཱཏྨ་ཀོ&ཧཾ། དེ་ཡང་གོང་མ་ལྟར་བསྒྲགས་སོ།། དེ་ནས་འབར་བ་ཆེན་པོའི་དབང་བསྐུར་བ
144b3 ནི།། ཧཱུཾ་ཐུགས་རྗེ་ཐབས་མཁས་རང་བྱུང་ཧེ་རུ་ཀ། ཁམས་གསུམ་དབང་བསྒྱུར་རང་བྱུང་བཅོམ་ལྡན་འདས།། གདུག་པ་བསྲེགས་མཛད་འབར་བ་ཆེན་པོ་ནི།། ཆེ་བའི་ཆེ་མཆོག་དབང་མཆོག་ཆེ་བའི་སྐུ།། རྟོགས
144b4 པ་ཐུགས་རྗེ་འབར་བའི་དཀྱིལ་འཁོར་ལ།། ཡེ་ཤེས་མེ་འབར་རྟོགས་པའི་འོད་འབར་ཏེ།། ཁྲོ་ཚོགས་འབར་བའི་དབང་མཆོག་རབ་འབར་བའི།། ཡེ་ཤེས་མེ་དཔུང་འབར་བ་ཆེན་པོའི་དབུས།། གདུག་པ་ཟིལ་གནོན
144b5 མ་རིག་བསྲེག་མཛད་ཅིང་།། སྡུག་བསྔལ་རྒྱ་མཚོ་སྐེམ་པའི་མེས་བསྲེགས་ཤིང་།། མ་རིག་སེམས་ཅན་ཐུགས་རྗེ་ཐབས་འབར་བ།། ཀུན་ལ་མེད་པའི་འབར་བ་ཆེན་པོའི་དབང་།། རིགས་ཀྱི་བུ་མཆོག་དབང་མཆོག
144b6 འཐོབ་པར་ཤོག། ཨཱ~ཾ་སརྦ་ཏ་ཐཱ་ག་ཏ་ཛ་ལ་མ་ཧེ་ཤྭ་ར་ཨཱཏྨ་ཀོ&ཧཾ། དེ་ནས་རིམ་པ་གོང་མ་བཞིན་བྱའོ།། དེ་ནས་འཁོར་ལོས་སྒྱུར་བའི་རྒྱལ་པོའི་དབང་བསྐུར་བ་འདི་སྐད་དོ།། ཧཱུཾ་རྒྱལ་སྲིད་ལོངས་སྤྱོད་དཔལ
iiif viewer powered by OpenSeadragon
