| e-texts navigator |
| Wylie |
144a1 འཁོར་གྱི་སྟེང་དུ་དྲངས་ལ། དམ་རྫས་ཅི་ཡོད་པས་དབང་བསྐུར་ལ། རྡོ་རྗེ་སློབ་དཔོན་དང་ཕྱོགས་བཅུའི་རྣལ་འབྱོར་པ་ཡོངས་ཀྱིས་ཀྱང་རྡོ་རྗེ་རྒྱལ་པོའི་དབང་ཆེ་གེ་མོས་ཐོབ་པར་གྱུར་ཅིག་ཅེས
144a2 བརྗོད་ལ། བདག་ཉིད་ཀྱིས་ཀྱང་རྡོ་རྗེ་རྒྱལ་པོའི་དབང་བདག་ཆེ་གེ་མོས་ཐོབ་པར་གྱུར་ཅིག་ཅེས་བརྗོད་ལ། ཕྱོགས་བཅུར་གྲགས་པ་བསྐྱེད་ལ་དབང་རྫས་བླང་ངོ་།། དེ་ནས་ཆོས་ཀྱི་རྒྱལ་སྲིད་ཀྱི་དབང་བསྐུར་བ་ནི།།
144a3 ཧཱུཾ་རང་བཞིན་དབྱེར་མེད་དཀྱིལ་འཁོར་ནས།། འཁོར་བ་མྱ་ངན་འདས་པ་ཡི།། ཆོས་ཀྱི་རྒྱལ་སྲིད་དམ་པ་ནི།། མྱ་ངན་འདས་པའི་ཡོན་ཏན་རྣམས།། རྡོ་རྗེའི་དཀྱིལ་འཁོར་ངས་སྤྲུལ་པས།། རྡོ་རྗེ་སློབ་མ་ཆེ་གེ
144a4 ཁྱོད།། ཆོས་ཀྱི་རྒྱལ་སྲིད་མ་ལུས་པ།། རིགས་ཀྱི་བུ་མཆོག་ཐོབ་པར་ཤོག། ཨོཾ་སརྦ་ཏ་ཐཱ་ག་ཏ་དྷརྨཱ་རཱ་ཛ་ཙཀྲ་གྷུ་ཧྱེ་ཤྭ་ར་ཨཱཏྨ་ཀོ&ཧཾ། ཞེས་བརྗོད་ལ་གོང་མ་བཞིན་ནོ།། དེ་ནས་ཡང་རྡོ་རྗེ་སློབ་དཔོན་དུ་དབང་བསྐུར
144a5 བ་འདི་སྐད་དོ།། ཧཱུཾ་བདེ་གཤེགས་ཐུགས་ཀྱི་སྲས་པོ་དམ་པའི་མཆོག། སྔོན་གྱི་ཐུགས་དམ་བཀའ་དང་མི་འགལ་ཞིང་།། དགོངས་པ་ཡིད་བཞིན་ནམ་མཁའི་མཐའ་དང་མཉམ།། ཕྲིན་ལས་སྐྱབས་མཛད་མ་རིག
144a6 འདྲེན་མཛད་ཅིང་།། ཆོས་ཉིད་དོན་སྟོན་ཁ་ལོ་སྒྱུར་བྱེད་པ།། ཕྲིན་ལས་ཐབས་ཀྱི་རྡོ་རྗེ་སློབ་དཔོན་མཆོག། མ་ལུས་འགྲོ་བ་ཡོངས་ཀྱི་རེ་སྐོང་བ།། སྟོན་པའི་སྒྲོན་མ་མ་ལུས་ཁ་ལོ་འདྲེན།། ཤེས་བྱའི་མཐའ་རྫོགས
iiif viewer powered by OpenSeadragon
