| e-texts navigator |
| Wylie |
143b1 དང་། ཐབས་དང་ཤེས་རབ་ཀྱི་དབང་དང་། འཇིག་རྟེན་ཚེའི་དབང་དང་། དངོས་གྲུབ་རྣམ་གསུམ་གྱི་དབང་དང་། མཐུ་སྟོབས་ཕུན་སུམ་ཚོགས་པའི་དབང་དང་། འཆད་པའི་དབང་དང་། དེ་བཱི་གསང་འདི་དམས་པ་ཡུམ
143b2 གྱི་དབང་དང་། རྒྱན་ཆས་རྟགས་ཀྱི་དབང་དང་། དུར་ཁྲོད་ཆས་ཀྱི་དབང་དང་། ལོངས་སྤྱོད་རྫས་ཀྱི་དབང་དང་། ཕྱི་ནང་གསང་བ་གསུམ་གྱི་དབང་སྟེ་ཉི་ཤུ་རྩ་གཅིག་གོ། དེ་བཞིན་གཤེགས་པ་ཐམས་ཅད་ཀྱི་སྤྱི
143b3 དབང་བསྐུར་བའི་རྒྱུད་ལས། དབང་གི་རིམ་པའི་ལེའུ་སྟེ་གསུམ་པའོ།། །། དེ་ནས་སྟོན་པ་ཀུན་ཏུ་བཟང་པོས་དབང་བསྐུར་བར་བྱ་བའི་ཕྲིན་ལས་ཐབས་ཀྱི་རྒྱལ་པོ་འདི་གསུངས་སོ།། དེ་ལ་དང་པོ་རྡོ་རྗེ་རྒྱལ་པོར
143b4 དབང་བསྐུར་བ་ནི། ཧཱུཾ་མཁའ་མཉམ་དབྱིངས་ཀྱི་དཀྱིལ་འཁོར་ནས།། ཕྱོགས་བཅུའི་བདེ་གཤེགས་ཐམས་ཅད་ཀྱིས།། ཐུགས་ཀྱི་བྱིན་རླབས་རྨད་པོ་ཆེ།། ཐམས་ཅད་འདུལ་བའི་དབང་གི་མཆོག། བྱིན
143b5 རླབས་ཐབས་ཀྱིས་བརྩེར་དགོངས་ཏེ།། ཐབས་ཀྱི་ཆོ་འཕྲུལ་བསམ་ཡས་པ།། འཇིག་རྟེན་གསུམ་ན་མེད་པ་ཡི།། སྐུ་གསུང་ཡོན་ཏན་བསམ་མི་ཁྱབ།། ཐམས་ཅད་ཀུན་ལ་རྒྱལ་བ་དང་།། སྲིད་པ་གསུམ་ལ་དབང
143b6 བསྒྱུར་ཞིང་།། རྡོ་རྗེ་ཐབས་ཀྱི་རྫུ་འཕྲུལ་གྱིས།། ཁམས་གསུམ་རེ་སྐོང་རྒྱལ་པོར་ཤོག། ཨོཾ་སརྦ་ཏ་ཐཱ་ག་ཏ་ཀཱ་ཡ་ཨཱིཾ། ཝཱ་ཀ་ཨཱཿཙིཏྟ་ཧཱུཾ། བཛྲ་རཱ་ཛ་མ་ཧཱ། གྷུ་ཧྱེ་ཤྭ་ར་ཨཱཏྨ་ཀོ&ཧཾ། བཛྲ་ཨཱཾ། ཞེས་བརྗོད་ལ། དཀྱིལ
iiif viewer powered by OpenSeadragon
