| e-texts navigator |
| Wylie |
143a1 ཡི་དགོས་པ་ནི།། སངས་རྒྱས་ཀུན་ལ་དབང་བསྐུར་ཞིང་།། སྲིད་པ་གསུམ་ལ་མཐུ་དབང་ཆེ།། མཁའ་འགྲོ་དབང་ཕྱུག་བྲན་དུ་འཁོལ།། འཇིག་རྟེན་དགོས་པ་ཐམས་ཅད་འགྲུབ།། གཞན་ཡང་དབང
143a2 བསྐུར་དགོས་པ་ནི།། རྒྱུད་ཀྱི་རྒྱལ་པོ་འདི་ཡིན་ནོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བའི་རྒྱུད་ལས། དབང་གི་བྱེ་བྲག་གི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ
143a3 ལ་སོགས་པ་རིགས་ལྔའི་སངས་རྒྱས་རྣམས་ཀྱིས་གསོལ་པ། ཀྱེ་ཀྱེ། ཤིན་ཏུ་ངོ་མཚར་དང་ལྡན་པ། ཤིན་ཏུ་བྱིན་རླབས་ཆེན་པོ་དང་ལྡན་པའི་བཅོམ་ལྡན་འདས་ཀྱིས་དབང་བསྐུར་བའི་རིམ་པ་དང་།། དབང་བསྐུར
143a4 བའི་ཕྲིན་ལས་བདག་ཅག་ལ་སྩལ་དུ་གསོལ། ཨ་ལ་ལ་ཧོ།། དེ་སྐད་ཅེས་གསོལ་པ་དང་། བཅོམ་ལྡན་འདས་དཔལ་ཀུན་ཏུ་བཟང་པོས་བཀའ་སྩལ་པ། ཁྱེད་ལ་སོགས་པའི་དབང་གི་རིམ་པ་འདི་ཡིད་ལ་ཟུང
143a5 ཞིག། དབང་བསྐུར་བའི་རིམ་པ་ཉི་ཤུ་རྩ་གཅིག་སྟེ།། རྡོ་རྗེ་རྒྱལ་པོའི་དབང་དང་། ཆོས་ཀྱི་རྒྱལ་སྲིད་ཀྱི་དབང་དང་། རྡོ་རྗེ་སློབ་དཔོན་གྱི་དབང་དང་། འབར་བ་ཆེན་པོའི་དབང་དང་། འཁོར་ལོས་སྒྱུར་བའི་རྒྱལ
143a6 པོའི་དབང་དང་། རྒྱལ་ཐབས་སྤྱི་བླུགས་ཀྱི་དབང་དང་། རྡོ་རྗེ་རྒྱལ་ཐེབས་ཀྱི་དབང་དང་། ཀརྨའི་དབང་དང་། གིང་གི་དབང་དང་། ཉན་པའི་དབང་དང་། བསྒྲུབ་པའི་དབང་དང་། ཕྲིན་ལས་མཐར་ཕྱིན་པའི་དབང
iiif viewer powered by OpenSeadragon
