| e-texts navigator |
| Wylie |
142b1 གྲུབ་རྟགས་ཀྱི་གཞུང་ཐོབ་ཀྱང་།། ལན་བདུན་དབང་བསྐུར་རྟགས་ཚད་ནི།། དེ་ནས་དེ་ལ་དབང་མེད་དེ།། ཕྱིན་ཆད་བསྐུར་བར་མི་བྱའོ།། དེ་ལ་དབང་རྟགས་སྦྱིན་པ་ནི།། ཕྲིན་ལས་ལག་ཏུ་ལེན་པ་ལ།། རྡོ་རྗེ་དྲིལ
142b2 བུའི་དབང་རྟགས་སྦྱིན།། བསྒྲུབ་པའི་དོན་ལ་ལྷུར་ལེན་པ།། རྫས་མཆོག་བཟང་པོའི་དབང་རྟགས་སྦྱིན།། འཆད་པར་འདོད་པའི་སློབ་མ་ལ།། རྒྱུད་ཀྱི་གསུང་རབ་གླེགས་བམ་དང་།། རིན་པོ་ཆེ་ཡི་ཕྱག་ཤིང
142b3 དག། དབང་རྟགས་སུ་ནི་སྦྱིན་པར་བྱ།། གཞན་ཡང་དབང་གི་སློབ་མ་ཡིས།། ཡོན་ལ་ཆགས་པ་མེད་ཕུལ་ན།། རང་ལ་དབང་རྟགས་ཅི་ཡོད་པས།། སློབ་མ་དེ་ལ་སྦྱིན་པར་བྱ།། གོས་དང་རྒྱལ་མཚན་ལྷབ་ལྷུབ
142b4 རྫས།། ཟང་ཟིང་རྫས་རྣམས་ཅི་ཡོད་པ།། དབང་བསྐུར་རྟགས་སུ་སྦྱིན་པར་བྱ།། སློབ་མས་ཡོན་གྱི་མཆོག་དབུལ་ན།། དབང་རྟགས་མེད་དུ་མི་རུང་ཞེས།། བཅོམ་ལྡན་འདས་ཀྱིས་ཡང་གསུངས་པ།། དབང་བསྐུར
142b5 བའི་དུས་ཚོད་གང་ལ་བསྐུར་གསུངས་པ།། དབྱར་དགུན་སྟོན་དཔྱིད་ར་བ་ཡི།། ཚེས་བརྒྱད་གནམ་སྟོང་ཉ་ལ་བསྐུར།། དེ་ཡང་སྟོན་ཟླ་ར་བ་བཟང་།། དུས་ཚོད་འདི་དག་མ་ཡིན་པར།། གཞན་དུ་བསྐུར་བར་མི
142b6 བྱའོ།། བསྐུར་ཡང་ཐོབ་པར་མི་འགྱུར་རོ།། དབང་བསྐུར་དགོས་པའི་དོན་གསུངས་པ།། དབང་བསྐུར་བ་ཡི་དགོས་པ་ནི།། ཕྱི་ནང་ལས་རྒྱུད་ཐམས་ཅད་ཀྱང་།། དབང་བསྐུར་ནས་ནི་བྱ་དགོས་ལ།། དབང་བསྐུར་བ
iiif viewer powered by OpenSeadragon
