| e-texts navigator |
| Wylie |
142a1 ཏོག་ཁ་དོག་སྣ་ཚོགས་པ།། རྩཝ་དང་ཤིང་ལས་སྐྱེས་པ་ནི།། གང་རྙེད་པ་ལ་དམིགས་བཅས་ལ།། བླ་མ་ལ་ནི་ཡོན་དུ་དབུལ།། ཡོན་མཆོག་འདི་ལ་དབང་མཆོག་ཡོད།། ཡོན་འབུལ་ཕངས་ན་དབང་ཡང
142a2 ཕངས།། གཤེ་བརྙས་བྱས་ན་བཀའ་དང་འགལ།། ཐུག་ཐུབ་བྱས་ན་གཞུང་ལས་ཉམས།། ཡོན་མཆོག་འབུལ་བར་མི་བྲ་ན།། དབང་ཡང་བསྐུར་བར་མི་བྱའོ་ཞེས།། སྟོན་པ་ཉིད་ཀྱི་ཞལ་ནས་གསུངས།། དེ་ནས
142a3 དབང་གི་ཡོན་ཏན་ནི།། ཤིན་ཏུ་བརྗོད་པ་ལས་འདས་ཏེ།། མན་ངག་ཉིད་དུ་འདི་བསྔགས་སོ།། དབང་གི་བསྙེན་བསྒྲུབ་ཞག་གྲངས་དུར་བྱ་བར་ཡང་གསུངས་པ།། དབང་ནོད་བསྙེན་བསྒྲུབ་ཞག་གྲངས་ནི།། རབ
142a4 ཀྱིས་ལོ་གསུམ་བར་ཏུ་བསྒྲུབ།། འབྲིང་གིས་ཟླ་བ་གསུམ་ཙམ་བྱ།། ཐ་མས་ཞག་གསུམ་བར་དུ་ནི།། དབང་གི་བསྙེན་བསྒྲུབ་དམ་བཅད་ལ།། དེ་ནས་དབང་རྣམས་ནོད་པར་བྱ།། སོ་སོའི་རིམ་པ་གང་ཡིན་པ།། ཞག
142a5 གྲངས་དེ་དག་མ་ཚང་བར།། རས་ཆོད་དག་ཏུ་མི་བྱ་ཞེས།། ཡང་ནས་ཡང་དུ་ནན་གྱིས་གསུངས།། དེ་དག་བསྙེན་བསྒྲུབ་རིམ་པ་ཡིན།། དབང་གི་རྟགས་སློབ་མ་ལ་ཅི་སྦྱིན་གསུངས་པ།། གང་དག་ཡིད་དང་འཐད་པ
142a6 ཡི།། སྙིང་གི་བུ་དང་འདྲ་བ་ལ།། ཐོག་མར་བདག་ལ་སློབ་དཔོན་གྱིས།། དབང་རྟགས་ཕྱག་རྒྱ་གང་གནང་བ།། དེ་ཉིད་སློབ་མ་དེ་ལ་སྦྱིན།། གཞན་ཡང་སློབ་མ་དབང་ནོད་པ།། དེ་ཡི་གྲངས་ནི་བསྟན་པ་སྟེ།། དངོས
iiif viewer powered by OpenSeadragon
