| e-texts navigator |
| Wylie |
141b1 ན་དང་།། སློབ་མའི་རྫས་རྣམས་གང་ཡོད་པ། དེ་ཡི་རྫས་སུ་དགོད་པར་བྱ།། དཀྱིལ་འཁོར་དེ་ཡི་མཐའ་མ་ལ།། རྡོ་རྗེའི་རྭ་བ་མེ་ཡིས་བསྐོར།། དེ་ཡི་ཕྱི་རིམ་ནག་པོ་ལ། དབང་ཕྱུག་མ་ཡི་འཁོར་རྣམས
141b2 བཞག། མདའ་དང་རལ་གྲི་མེ་ལོང་དང་།། དར་སྣའི་ལྷབ་ལྷུབ་མེ་ཏོག་དང་།། འཕན་དང་བླ་རྒྱན་འོག་རྒྱན་དང་།། གདུགས་དང་རྒྱལ་མཚན་དར་དཔྱངས་དང་།། མེ་ཏོག་ཆུན་པོ་ལ་སོགས་པ།། རྒྱན་རྣམས་ཅི་ཙམ
141b3 ཡོད་པ་དགྲམ།། ཁྲོ་བོའི་དཀྱིལ་འཁོར་རྒྱན་གྱི་རྫས།། དབང་པོ་ལྔ་དང་བྷནྡྷ་དགུ། ཐོད་ཚལ་ཞིང་རྫས་ཀུན་རྫོགས་པའི།། གཞུང་དང་མཐུན་པར་རྫོགས་པར་དགྲམ།། དེ་ཡང་ཡོངས་སུ་ཤེས་པ་ན།། དབང་གི
141b4 དཀྱིལ་འཁོར་བྲི་བར་བྱ།། བཀའ་གཞུང་དོན་གྱི་དོན་མེད་པའི།། དཀྱིལ་འཁོར་བྲི་བར་མ་གསུངས་སོ།། དབང་གི་ཡོན་ཇི་ལྟ་བུ་དབུལ་བ་ཡང་གསུངས་པ།། དབང་བསྐུར་གནང་བ་ཐོབ་འདོད་པའི།། སྐྱེས་བུ་གང
141b5 ཟག་རྣལ་འབྱོར་པས།། དཔ་ལ་དབང་གི་ཡོན་དབུལ་ཏེ།། འཛམ་གླིང་རིན་ཆེན་གང་བ་དང་།། རྟ་དང་གླང་པོ་དུད་འགྲོའི་ཚོགས།། རྒྱལ་སྲིད་དང་ནི་རང་ལུས་དབུལ།། རབ་ཏུ་གཅེས་དང་ཡིད་འཐད་དབུལ།། བུ
141b6 དང་ཆུང་མ་སྤུན་དང་གྲོགས།། འཁོར་དང་ལོངས་སྤྱོད་ཇི་ཡོད་པ།། དབང་རྣམས་ཐོབ་ཕྱིར་ཡོན་དུ་དབུལ།། དེ་དག་གང་དང་མ་ལྡན་ན།། ལུས་ཀྱི་ཕུང་པོ་འབངས་སུ་དབུལ།། སེམས་ཀྱི་དྲན་པ་བརྩེ་བྱས་ལ།། མེ
iiif viewer powered by OpenSeadragon
