| e-texts navigator |
| Wylie |
141a1 ནས།། བྱང་ཆུབ་སེམས་སུ་དབང་བསྐུར་ཕྱིར།། དབང་གི་དཀྱིལ་འཁོར་བརྩིག་པར་བྱའོ།། ལན་གསུམ་དག་ཏུ་བརྗོད་པར་བྱ།། དེ་ནས་དཀྱིལ་འཁོར་བརྩིགས་ནས་ཀྱང་།། དམ་རྫས་དག་གིས་ཆག
141a2 ཆག་གདབ།། ཧཱུཾ་འབྱུང་བ་ཡུམ་དུ་དབྱེར་མེད་པའི།། ཐབས་ཀྱི་ཕྱག་རྒྱ་སྐུ་མཆོག་ལ།། སྲིད་གསུམ་ཡོངས་ལ་དབང་བསྒྱུར་ཕྱིར།། གཉིས་མེད་སྦྱོར་བའི་རང་བཞིན་ལ།། བདུད་རྩི་དམ་རྫས་ཆག་ཆག
141a3 གདབ།། ཐམས་ཅད་འཆི་མེད་ཡེ་ཤེས་དབང་།། ཡོངས་ལ་དབང་བསྐུར་འདི་དག་བྱུག། ཨོཾ་བཛྲ་ཨ་མྲྀ་ཏ་མཎྜལ་ཧཱུཾ།། དེ་ནས་གཟུངས་མ་མཚན་ལྡན་ལ།། ཐིག་སྐུད་གཙང་མ་འཁལ་དུ་གཞུག། དེ་ནས་དགོངས་པའི
141a4 གཞུང་བསྲངས་ལ།། དཀྱིལ་འཁོར་ཐིག་ནི་གདབ་པར་བྱ།། དཀྱིལ་འཁོར་འདོམ་གང་གྲུ་བཞི་ལ།། ཕྱོགས་བཞི་མཚམས་བརྒྱད་མ་འགྲུས་པར།། རན་པར་ཆ་བསྒོམས་ཐིག་གདབ་པོ།། དེ་ནས་དཀྱིལ་འཁོར་བྲི་བར
141a5 བྱ། དབུས་སུ་ཟླ་གམ་གཅིག་པ་བྲི།། ཕྱོགས་བཞི་མཚམས་བརྒྱད་དེ་མཐུན་པར།། དབང་གི་ཟླ་གམ་གྲུ་བཞི་ལ།། ཚོན་གྱིས་ཀུན་ཀྱང་དམར་པོར་བསྒྱུར།། དེ་ལ་ལིང་ཚེ་དགུ་རུ་བྱ།། ཟླ་གམ་བར་ལ་སེར་པོ
141a6 བཏང་།། གྲུ་ཆད་ལ་ནི་ལྗང་གུ་བཏང་།། ཀུན་གྱི་ཕྱི་རོལ་ནག་པོས་བསྐོར།། རེ་ཁཱ་དབྱིབས་ཀུན་དཀར་པོར་དྲངས།། དེ་ནས་བུམ་བུ་ལྔ་དང་དགུ། གང་འབྱོར་སྨན་གྱིས་བཀང་ལ་བཞག། དཀྱིལ་འཁོར་བླ་རྒྱན་འོག
iiif viewer powered by OpenSeadragon
